Live
TV
గూగుల్‌ క్రోమ్‌ సులువుగా స్ర్కీన్‌షాట్‌
ABN , First Publish Date - 2022-05-14T08:41:31+05:30 IST
తమ వినియోగదారులు సులువుగా స్ర్కీన్‌షాట్స్‌ తీసుకునేందుకు గూగుల్‌ క్రోమ్‌ కృషి చేస్తున్నట్టు సమాచారం. విండోస్‌ లేటెస్ట్‌ నివేదిక ప్రకారం
తమ వినియోగదారులు సులువుగా స్ర్కీన్‌షాట్స్‌ తీసుకునేందుకు గూగుల్‌ క్రోమ్‌ కృషి చేస్తున్నట్టు సమాచారం. విండోస్‌ లేటెస్ట్‌ నివేదిక ప్రకారం బ్రౌజర్‌లోని ఈ సరికొత్త టూల్‌ టెస్టింగ్‌ దశలో ఉంది. దీంతో బ్రౌజర్‌ను విడిచిపెట్టకుండానే స్ర్కీన్‌షాట్‌ను యూజర్లు పొందవచ్చు. ఆండ్రాయిడ్‌ యూజర్లకు ఇప్పటికే ఈ వెసులుబాటు ఉంది. సరిగ్గా అటువంటి సదుపాయాన్ని విండోస్‌11, విండోస్‌10, మేక్‌ ఓఎస్‌, క్రోమ్‌ ఓఎస్‌పై క్రోమ్‌ బ్రౌజర్‌ యూజర్లకు అందుబాటులోకి రానుంది. ఈ వెబ్‌ క్యాప్చర్‌ టూల్‌ని మైక్రోసాఫ్ట్‌ ఎడ్జ్‌ ఆఫర్‌ చేసింది. బ్రౌజర్‌లో ఒక మేర క్యాప్చర్‌ చేసేందుకు అలాగే క్లిప్‌బోర్డ్‌కు ఇమేజ్‌ కాపీ చేసేందుకు, ఎడిటింగ్‌కు ఈ టూల్‌ వినియోగదారుల్ని అనుమతిస్తుంది. దీన్ని విండోస్‌ లింకింగ్‌ ఫీచర్‌గానే ఉపయోగించుకోవాలి. అందులో పలు ఎడిటింగ్‌ ఆప్షన్లు ఉన్నాయి.
ఈ కొత్త స్ర్కీన్‌షాట్‌ టూల్‌ కావాలనుకుంటే..
- క్రోమ్‌ కేనరీ లేదా క్రోమియమ్‌ను ఇన్‌స్టాల్‌ చేసుకోవాలి.
- అడ్రస్‌ బార్‌ ద్వారా క్రోమ్‌లో chrome://flags విజిట్‌ చేయాలి.
- ‘డెస్క్‌టాప్‌ స్ర్కీన్‌షాట్స్‌’, ‘డెస్క్‌టాప్‌ స్ర్కీన్‌షాట్‌ ఎడిట్‌ మోడ్స్‌’ ఫ్లాగ్స్‌ను ఎనేబుల్‌ చేసుకోవాలి.
- బ్రౌజర్‌ను రీలాంచ్‌ చేసుకోవాలి.
