Chinese visa scam: కార్తి చిదంబరంపై మనీలాండరింగ్ కేసు నమోదు

Published: Wed, 25 May 2022 15:36:49 ISTfb-iconwhatsapp-icontwitter-icon
Chinese visa scam: కార్తి చిదంబరంపై మనీలాండరింగ్ కేసు నమోదు

న్యూఢిల్లీ : చైనీయులకు వీసాలను మంజూరు చేయడానికి సంబంధించిన కుంభకోణం కేసులో కార్తి చిదంబరంతోపాటు మరికొందరిపై ఎన్‌ఫోర్స్‌మెంట్ డైరెక్టరేట్ (ఈడీ) మనీలాండరింగ్ కేసును నమోదు చేసింది. 2011లో కేంద్ర హోం మంత్రిగా పి చిదంబరం పని చేసిన కాలంలో ఈ కుంభకోణం జరిగినట్లు ఆరోపించింది. ఈ కేసులో కేంద్ర దర్యాప్తు సంస్థ (సీబీఐ) దాఖలు చేసిన కేసు ఆధారంగా మనీలాండరింగ్ నిరోధక చట్టం (PMLA) ప్రకారం ఈ కేసును నమోదు చేసింది. 


Enforcement Directorate (ED) అధికారులు తెలిపిన వివరాల ప్రకారం,  CBI నమోదు చేసిన కేసు ఆధారంగా ఈ కేసును నమోదు చేశారు. వేదాంత గ్రూప్ కంపెనీ తల్వండి సబో పవర్ లిమిటెడ్ (TSPL) పంజాబ్‌లో ఓ విద్యుత్తు ప్లాంటును ఏర్పాటు చేసింది. ఈ సంస్థకు చెందిన టాప్ ఎగ్జిక్యూటివ్ రూ.50 లక్షలు లంచం కార్తి చిదంబరానికి, ఆయన సన్నిహితుడు ఎస్ భాస్కరరామన్‌కు చెల్లించారు. ఈ నేర ప్రతిఫలంపై ఈడీ దర్యాప్తు చేస్తుంది. దర్యాప్తులో భాగంగా నిందితులను ప్రశ్నిస్తుంది. 


ఇదిలావుండగా, కార్తి చిదంబరం (Karti Chidambaram) మాట్లాడుతూ, ఈడీ ఆరోపణలను తోసిపుచ్చారు. ఇవి వేధింపులు కాకపోతే మరేమిటని ప్రశ్నించారు.


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

జాతీయంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.