గుడ్డు తింటే బరువు పెరుగుతారా.. అందులోని పచ్చసొన తినకూడదా? అసలు నిజాలేంటంటే..

Published: Tue, 07 Dec 2021 11:27:12 ISTfb-iconwhatsapp-icontwitter-icon
గుడ్డు తింటే బరువు పెరుగుతారా.. అందులోని పచ్చసొన తినకూడదా? అసలు నిజాలేంటంటే..

ఆంధ్రజ్యోతి(7-12-2021)

కొన్ని పదార్థాల గురించి మనకు కొన్ని అపోహలుంటాయి. అలాంటి వాటిలో గుడ్డు ఒకటి. గుడ్డు మొత్తం తినడం ఆరోగ్యకరమా? తెల్లది తిని పచ్చసొన వదిలేయాలా? గుడ్డును అందరూ తినవచ్చా? 


అపోహ: పచ్చసొన తినకూడదు


వాస్తవం: పచ్చసొన పోషకాల భాండాగారం. ఒక పచ్చసొనలో మెదడుకు ఒక రోజు పోషణకు సరిపడా కోలిన్‌ ఉంటుంది. ఉదయం అల్పాహారంలో గుడ్డు తింటే, దాన్లోని ప్రొటీన్లు, కొవ్వులు మిగతా రోజంతా అవసరానికి మించి తినకుండా మన ఆకలిని నియంత్రించడానికి తోడ్పడతాయి.


అపోహ: గుడ్డు గుండెకు చేటు


వాస్తవం: గుడ్డులోని కొలెస్ట్రాల్‌ గుండెకు చేటు అనే అపోహ ఉండేది. కానీ ఆహారంతో దొరికే డైటరీ కొలెస్ట్రాల్‌ రక్తంలోని కొలెస్ట్రాల్‌ స్థాయిలను ఏమాత్రం ప్రభావితం చేయలేదని పరిశోధనల్లో తేలింది. నిజానికి గుడ్లలో శాచురేటెడ్‌ ఫ్యాట్స్‌, కొలెస్ట్రాల్‌ అతి తక్కువ పరమాణాల్లో ఉంటాయి. ట్రాన్స్‌ఫ్యాట్స్‌ ఏమాత్రం ఉండవు. కాబట్టి అందరూ గుడ్డులను నిక్షేపంగా తినవచ్చు.


అపోహ: రోజుకు ఒక్క గుడ్డే తినాలి


వాస్తవం: రోజుకు మూడు గుడ్లు తిన్నా ఆరోగ్యానికి ఎటువంటి నష్టం జరగదు. 


అపోహ: గుడ్లు తింటే బరువు పెరుగుతాం


వాస్తవం: గుడ్లలోని ప్రొటీన్‌ బరువు తగ్గడానికి తోడ్పడుతుంది. ప్రొటీన్‌ మెటబాలిజంను పెంచి, ఎక్కువ క్యాలరీలు ఖర్చవడానికి సహాయపడుతుంది. గుడ్డు ఫలితం సంపూర్తిగా పొందాలంటే, పండ్లు, కూరగాయలతో పాటు గుడ్డును ఉదయం అల్పాహారంగా తీసుకోవాలి. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.