అడక్కుండానే ఆఫర్ ఇచ్చారు.. పరిశీలిస్తాం.. ఎలాన్ మస్క్ ఆఫర్‌పై ట్విటర్ రిప్లై..

ఎన్నారై డెస్క్: ట్విటర్‌లో 100 శాతం వాటాను 43 బిలియన్ డాలర్లకు కొనుగోలు చేస్తానంటూ టెస్లా అధినేత ఎలాన్ మస్క్ ఇచ్చిన ఆఫర్‌ను పరిశీలిస్తామని ట్విటర్ తాజాగా ప్రకటించింది. ప్రస్తుతం మస్క్‌కు ట్విటర్‌లో 9 శాతం వాటా ఉన్న విషయం తెలిసిందే. తొలుత ట్విటర్‌ బోర్డులో మస్క్ చేరనున్నట్టు వార్తలు రాగా.. మస్క్ ఇందుకు  విముఖత వ్యక్తం చేసినట్టు ఇటీవలే ట్విటర్ ప్రకటించింది. ఈ నేపథ్యంలో మస్క్ మరో సంచలన ఆఫర్ ఇచ్చారు. అయితే.. ఇదేమీ హెచ్చరిక కాదని అన్న ఆయన.. ట్విటర్‌తో డీల్ కుదరని పక్షంలో సంస్థలో తనకున్న వాటా గురించి పునరాలోచించుకోవాల్సి వస్తుందని పేర్కొన్నారు. కాగా.. ఇతర షేర్‌హోల్డర్‌లతో చర్చించాకే మస్క్ డీల్ విషయంలో ఓ నిర్ణయం తీసుకుంటామని ట్విటర్ పేర్కొంది.