సర్వసభ్య సమావేశంలో పాల్గొనకుంటే ఏమీ కాదు..

Published: Thu, 16 Jun 2022 12:32:28 ISTfb-iconwhatsapp-icontwitter-icon
సర్వసభ్య సమావేశంలో పాల్గొనకుంటే ఏమీ కాదు..

                          - Rajendra balajiకి షాకిచ్చిన సుప్రీంకోర్టు 



అడయార్‌(చెన్నై), జూన్‌ 15: అన్నాడీఎంకే సీనియర్‌ నేత, మాజీ మంత్రి రాజేంద్ర బాలాజీకి సుప్రీంకోర్టు గట్టి షాకిచ్చింది. త్వరలో జరుగనున్న అన్నాడీఎంకే పార్టీ సర్వసభ్య సమావేశంలో మీరు (రాజేంద్ర బాలాజీ) పాల్గొనపోతే ఏం కాదు’ అంటూ వ్యాఖ్యానించింది. పైగా ఈ జనరల్‌ బాడీ మీటింగ్‌లో పాల్గొనేందుకు తనకు ఐదు రోజుల బెయిల్‌ నిబంధనలు సడలించాలంటూ ఆయన పెట్టుకున్న పిటిషన్‌ను తోసిపుచ్చింది. గత అన్నాడీఎంకే ప్రభుత్వంలో ఈయన పాడిపరిశ్రమలు, విద్యుత్‌, హిందూ దేవాదాయ శాఖల మంత్రిగా వ్యవహరించారు. ఆ తర్వాత రూ.3 కోట్ల మోసం కేసులో ఆయనను విరుదునగర్‌ జిల్లా నేర విభాగం పోలీసులు అరెస్టు చేశారు. ఆ తర్వాత ఆయకు పలు నిబంధనలతో కూడిన బెయిల్‌ మంజూరు చేసింది. పాస్‌పోర్టును పోలీసులకు అప్పగించాలని, జిల్లా సరిహద్దులను దాటి వెళ్ళడానికి వీల్లేదని, పోలీసుల విచారణకు క్రమం తప్పకుండా హాజరుకావాలని ఇలా షరతులు విధించింది. ఈ నేపథ్యంలో ఈ నెల 22 నుంచి 25వ తేదీ వరకు జరిగే సర్వసభ్య సమావేశంలో పాల్గొనేందుకు బెయిల్‌ నిబంధనలను ఐదు రోజుల పాటు సడలించాలని ఆయన సుప్రీంకోర్టులో ఒక పిటిషన్‌ దాఖలు చేశారు. పైగా ఈ పిటిషన్‌పై అత్యవసర  విచారణ కింద దాఖలు చేశారు. దీంతో ఈ పిటిషన్‌పై న్యాయమూర్తులు జస్టిస్‌ జేకే మహేశ్వరి, హీమా కోహ్లీలతో కూడిన ధర్మాసనం విచారణ జరిపి కీలక వ్యాఖ్యలు చేసింది. ‘పార్టీ సర్వసభ్య సమావేశంలో మీరు పాల్గొనకపోతే ఏం జరగదులే అని వ్యాఖ్యానిస్తూ ఈ పిటిషన్‌ను అత్యవసర విచారణగా స్వీకరించలేం’ అంటూ ధర్మాసనం పేర్కొంది. దీంతో రాజేంద్ర బాలాజీ పార్టీ సర్వసభ్య సమావేశంలో పాల్గొనలేని పరిస్థితి ఏర్పడింది. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

జాతీయంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.