పగవాడికి కూడా రాకూడని కష్టమిది.. 4 ఏళ్ల కూతురి శవాన్ని భుజాన వేసుకుని మండుటెండలో 5 కిలోమీటర్లు నడిచిన తండ్రి..

Published: Fri, 10 Jun 2022 14:49:18 ISTfb-iconwhatsapp-icontwitter-icon
పగవాడికి కూడా రాకూడని కష్టమిది.. 4 ఏళ్ల కూతురి శవాన్ని భుజాన వేసుకుని మండుటెండలో 5 కిలోమీటర్లు నడిచిన తండ్రి..

ఆ నాలుగేళ్ల చిన్నారి పోషకాహార లోపం కారణంగా అనారోగ్యానికి గురైంది.. హాస్పిటల్‌కు తీసుకెళ్లే సమయానికి మరణించింది.. తిరిగి తన కూతురి మృతదేహాన్ని ఇంటికి తీసుకెళ్లేందుకు ఆ తండ్రి అష్టకష్టాలు పడ్డాడు.. చేతిలో డబ్బులు లేకపోవడంతో కూతురి మృతదేహాన్ని భుజాన వేసుకుని మండుటెండలో 5 కిలోమీటర్లు నడిచాడు.. స్థానికులు వీడియో తీసి సోషల్ మీడియాలో పోస్ట్ చేయడంతో సంబంధిత అధికారులు స్పందించారు. మధ్యప్రదేశ్‌లోని ఛత్తార్‌పూర్‌లో ఈ ఘటన జరిగింది. 


ఇది కూడా చదవండి..

నాలుగు కాళ్లు, నాలుగు చేతులతో పుట్టిన పాప ఇప్పుడెలా ఉందో చూశారా..? సోషల్ మీడియాలో ఫొటోలు పెట్టిన Sonu Sood

ఛత్తార్‌పూర్‌కు సమీపంలోని ఓ గ్రామానికి చెందిన నాలుగేళ్ల బాలిక రాధ మూడ్రోజుల క్రితం అనారోగ్యం కారణంగా మరణించింది. డాక్టర్లు పోస్ట్‌మార్టమ్ చేస్తారని భయపడి తండ్రి ఆ బాలిక మృతదేహాన్ని దుప్పటిలో చుట్టి భుజాన వేసుకున్నాడు. వాహనంలో తీసుకెళ్లేందుకు డబ్బులు లేకపోవడంతో రహస్యంగా ఆర్టీసీ బస్సులో ఆ చిన్నారి మృతదేహాన్ని తీసుకుని బయల్దేరాడు. దామోహ్‌లో బస్ దిగి తన స్వగ్రామానికి కాలి నడకన బయలుదేరాడు. మండుటెండలో దాదాపు 5 కిలో మీటర్లు నడిచి తన స్వగ్రామానికి చేరుకున్నాడు. 


విషయం తెలుసుకున్న గ్రామస్తులు కొందరు వీడియో తీసి సోషల్ మీడియాలో పోస్ట్ చేశారు. ఆ వీడియో వైరల్ కావడంతో జిల్లా వైద్యాధికారిణి స్పందించారు. మొత్తం ఘటనపై విచారణ జరపాల్సిందిగా ఆదేశించారు.   

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.