Sanna Marin: ఫ్రెండ్స్‌తో కలిసి పార్టీలో చిందేసిన ఫిన్లాండ్ పీఎం.. డ్రగ్ టెస్ట్ నిర్వహించాలంటున్న ప్రతిపక్షాలు

Published: Thu, 18 Aug 2022 21:06:42 ISTfb-iconwhatsapp-icontwitter-icon
Sanna Marin:  ఫ్రెండ్స్‌తో కలిసి పార్టీలో చిందేసిన ఫిన్లాండ్ పీఎం.. డ్రగ్ టెస్ట్ నిర్వహించాలంటున్న ప్రతిపక్షాలు

హెల్సింకి: ప్రపంచంలోనే అత్యంత పిన్న వయస్కురాలైన ప్రధానిగా రికార్డులకెక్కిన ఫిన్లాండ్ ప్రధాని సనా మారిన్‌ (Sanna Marin) వివాదంలో చిక్కుకున్నారు.  కారణం.. ఓ వీడియో. 28 సెకన్ల నిడివి ఉన్న ఆ వీడియో ఇప్పుడు సామాజిక మాధ్యమాలను చుట్టేస్తోంది. ఒక్క రోజు కూడా కాకుండానే ఏకంగా 3.1 మిలియన్ వ్యూస్ సొంతం చేసుకున్న ఈ వీడియో ఓ పార్టీకి సంబంధించినది. అందులో ప్రధాని సనా కూడా ఉండడమే ప్రతిపక్షాల విమర్శలకు అసలు కారణం.  ప్రధాని తన స్నేహితులతో కలిసి పాడుతూ చిందేస్తూ కనిపించారు. 


వీడియో బయటకు రావడమే ఆలస్యం ప్రధాని సనా మారిన్‌పై ప్రతిపక్షాలు విరుచుకుపడ్డాయి. ఆ పార్టీలో ఆమె డ్రగ్స్ తీసుకుని ఉంటారని, అందుకనే అలా చిందులేస్తున్నారని విమర్శించాయి. అంతేకాదు, ఆమెకు డ్రగ్ టెస్ట్ కూడా చేయించాలని డిమాండ్ చేస్తున్నాయి. తనపై వస్తున్న ఆరోపణలపై ప్రధాని మారిన్ స్పందించారు. డ్రగ్స్ తీసుకున్నానన్న వార్తలను ఖండించారు. ఆ పార్టీలో తను ఆల్కహాల్ మాత్రమే తీసుకున్నానని వివరించారు. వీడియో తీస్తున్న విషయం తనకు తెలుసన్న ప్రధాని.. అది బహిరంగం కావడం మాత్రం విచారకరమని పేర్కొన్నారు. 


తాను ఓ పాటకు డ్యాన్స్ చేశానని, అది చట్టబద్ధమేనని ప్రధాని పేర్కొన్నారు. ఈ మాత్రానికి తాను తన ప్రవర్తనను మార్చుకోవాల్సిన అవసరం లేదని, తానెప్పుడూ ఎలా ఉంటానో ఇకపై కూడా అలానే ఉంటానన్నారు. 36 ఏళ్ల సనా తరచూ మ్యూజిక్ ఫెస్టివల్స్‌కు హాజరవుతుంటారు. ఫొటోలకు పోజులిస్తుంటారు. గతేడాది ఓ కరోనా రోగితో సన్నిహితంగా మెలిగిన తర్వాత క్లబ్‌కు వెళ్లినందుకు మారిన్ క్షమాపణలు తెలిపారు. కాగా, గత వారం జర్మనీకి చెందిన న్యూస్ అవుట్‌లెట్ ‘బిల్డ్’ మారిన్‌ను ‘కూలెస్ట్ ప్రధానమంత్రి’గా అభివర్ణించింది. 


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

జాతీయంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.