Advertisement

నమశ్శివాయపురం కొండల్లో కార్చిచ్చు

Mar 6 2021 @ 01:12AM
కొండ ప్రాంతంలో తగలబడుతున్న చెట్లు

కురిచేడు, మార్చి 7:  మండలంలోని నమశ్శివాయపురం కొండల్లో గురువారం రాత్రి నుంచి మంటలు చెలరేగుతున్నాయి. కొండల పక్కనే రైతుల పంట పొలాలు ఉన్నాయి. దీంతో మంటలు పొలాలకు పాకుతాయని వారు ఆందోళన వ్యక్తం చేస్తున్నారు. రెండురోజుల క్రితం ఆవులమంద కొండల్లో కార్చిచ్చు ఏర్పడింది. ఇప్పటికే వెయ్యి ఎకరాల పైనే తగలబడింది. పడమరనాయుడుపాలెం వరకూ మంటలు పాకాయి. రైతుల పంట పొలాలూ కాలిపోయాయి. నమశ్శివాయపురంలోనూ అలాగే పంటలు అగ్నికి ఆహుతి అవుతాయని వారు భయపడుతున్నారు. అటవీ శాఖాధికారులు, రెవెన్యూ సిబ్బంది తగిన చర్యలు తీసుకుని అగ్నిమాపక సిబ్బందితో కలసి మంటలను అదుపులోకి తీసుకురావాలని కోరుతున్నారు.




Follow Us on:
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.