RRR: అమెరికాలో రికార్డుల వేట షురూ.. అప్పుడే 'బహుబలి-2'ను కూడా దాటేసింది!

Published: Thu, 24 Mar 2022 10:34:27 ISTfb-iconwhatsapp-icontwitter-icon
RRR: అమెరికాలో రికార్డుల వేట షురూ.. అప్పుడే బహుబలి-2ను కూడా దాటేసింది!

ఓవర్సీస్ సినిమా: ధర్శకధీరుడు ఎస్ఎస్ రాజమౌళి దర్శకత్వంలో యంగ్ టైగర్ ఎన్టీఆర్, మెగాపవర్ స్టార్ రాంచరణ్ తేజ్ హీరోలుగా తెరకెక్కిన మాసీవ్ యాక్షన్ డ్రామా 'ఆర్ఆర్ఆర్'. కరోనా కారణంగా పలుమార్లు విడుదల వాయిదా పడిన ఈ చిత్రం.. మరికొన్ని గంటల్లో థియేటర్లలో సందడి చేయనుంది. దీంతో ఎంతోకాలంగా ఈ సినిమా కోసం ఎంతో ఆసక్తిగా ఎదురుచూస్తున్న సినీ అభిమానుల నిరీక్షణకు తెరపడనుంది. శుక్రవారం వరల్డ్ వైడ్‌గా ఈ మూవీ భారీ స్థాయిలో రిలీజ్ అవుతోంది. ఇక ఓవర్సీస్‌లో కూడా ఆర్ఆర్ఆర్‌ను భారీగానే విడుదల చేస్తున్నారు మేకర్స్. దీనిలో భాగంగా అమెరికాలో అయితే ఇంతకుముందు ఏ భారతీయ చిత్రం విడుదల కాని విధంగా అత్యధిక లొకేషన్స్‌లో ప్రదర్శితం కానుంది. అక్కడ ఈ సినిమాను విడుదల చేస్తున్న సరిగమ సినిమాస్, రఫ్తార్ క్రియేషన్స్ దేశ వ్యాప్తంగా 1150కు పైగా లొకేషన్స్‌లో ఈ చిత్రాన్ని విడుదల చేస్తున్నాయి. 


ఇవాళ(గురువారం) ప్రీమియర్స్ కూడా పడనున్నాయి. అయితే, అమెరికాలో ఆర్ఆర్ఆర్ అప్పుడే రికార్డుల వేట మొదలెట్టింది. ప్రీమియర్ ప్రీ సేల్స్ ద్వారా ఈ మూవీ ఏకంగా 2.5 మిలియన్ డాలర్లుకు(సుమారు రూ.18కోట్లు) పైగా రాబట్టిందని సరిగమ సినిమాస్, రఫ్తార్ క్రియేషన్స్ ట్విటర్ ద్వారా వెల్లడించాయి. దీంతో 'బహుబలి-2' (2.4 మిలియన్ డాలర్లు) రికార్డును దాటేసింది. అలాగే మరో రికార్డును కూడా తన ఖాతాలో వేసుకుంది. యూఎస్‌లో సినీమార్క్ అనే సింగిల్ చైన్ ద్వారానే ప్రీమియర్ ప్రీ సేల్స్‌తో ఏకంగా 1మిలియన్ డాలర్లకు(సుమారు రూ.7.50కోట్లు) పైగా కలెక్షన్స్ కొల్లగొట్టింది. దీంతో ఇంతకుముందు 'బహుబలి-2' (రూ.7.25కోట్లు) రికార్డు బద్దలైంది. ఇలా ప్రీమియర్స్‌తోనే అగ్రరాజ్యంలో ప్రభంజనం సృష్టిస్తున్న ఆర్ఆర్ఆర్ ఇంకెన్నీ రికార్డులు సృష్టిస్తుందో చూడాలి.       


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ఓవర్సీస్ సినిమాLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.