పాదాల నొప్పుల నుంచి ఉపశమనం కలగాలంటే..

Published: Fri, 31 Dec 2021 12:19:15 ISTfb-iconwhatsapp-icontwitter-icon
పాదాల నొప్పుల నుంచి ఉపశమనం కలగాలంటే..

ఆంధ్రజ్యోతి(31-12-2021)

కొందరికి ఉదయాన్నే లేచి కాలు కింద పెట్టిన వెంటనే పాదాలలో నొప్పి ప్రారంభమవుతుంది. ఇది రోజంతా వెంటాడుతూనే ఉంటుంది. సాధారణంగా మన ఒంట్లో ఉండే నొప్పులు విశ్రాంతి తీసుకుంటే తగ్గుతాయి. కానీ పాదాల్లోని ఈ నొప్పులు మాత్రం- ఉదయాన్నే లేచిన వెంటనే ప్రారంభమవుతాయి. ఈ నొప్పులు తరచూ వస్తూ ఉంటే డాక్టర్‌కు తప్పనిసరిగా చూపించుకోవాల్సి ఉంటుంది. అప్పుడప్పుడు వస్తూ ఉంటే తాత్కాలిక ఉపశమనం కోసం వైద్య నిపుణులు ఈ కింది చిట్కాలను సూచిస్తున్నారు. 


పాదాలను పైకి పెట్టి కూర్చోవటానికి ప్రయత్నించాలి. దీని వల్ల శరీరపు బరువు పాదాలపై పడదు. నొప్పి కొద్దిగా తగ్గుతుంది. 


రోజుకు రెండు సార్లు వెచ్చని నీటిలో పాదాలను ఒక పదినిమిషాలు ఉంచాలి. ఆ తర్వాత ఐస్‌ను ఒక టవల్‌లో పెట్టి పాదాలను చుట్టి పెట్టాలి. ఇలా చేయటం వల్ల నొప్పి తగ్గుతుంది. 


ఇంటా బయట కూడా రబ్బరు చెప్పులు వేసుకోవాలి. ఈ మధ్యకాలంలో కాళ్ల నొప్పులు ఉన్నవారి కోసం కొన్ని ప్రత్యేకమైన చెప్పులు దొరుకుతున్నాయి. వాటిని ఉపయోగిస్తే చాలా వరకు ఉపశమనం లభిస్తుంది. 


వీలైనంత వరకూ హైహీల్స్‌ను వేసుకోవద్దు. 


కాలి కండరాలను బలోపేతం చేసే కొన్ని ఆసనాలు ఉన్నాయి. ఈ ఆసనాలకు సంబంధించిన పూర్తి సమాచారం యూట్యూబ్‌ వీడియోలలో లభ్యమవుతాయి. వాటిని చూసి రోజూ కాసేపు ఆసనాలు ప్రాక్టీస్‌ చేయాలి.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.