పట్టులాంటి కురుల కోసం...
ABN , First Publish Date - 2020-12-24T05:29:24+05:30 IST
పట్టులాంటి కురుల కోసం...
జుట్టు రాలడం చాలామంది మహిళలను వేధిస్తుంటుంది. ఈ సమస్య తగ్గాలని రకరకాల షాంపూలూ వాడినా ఒక్కోసారి ఫలితం కనిపించదు. అలాంటప్పుడు ఇంటివద్దనే తయారు చేసుకున్న హెయిర్‌ప్యాక్‌తో నిండైన, దృఢమైన కురులు సొంతం చేసుకోవచ్చు. అదెలాగంటే...
పావు కప్పు చొప్పున కుంకుడి కాయల పొడి, శ్రీకాకాయల పొడి, సోంపు గింజల పొడులను ఒక చిన్న గిన్నెలో తీసుకోవాలి. వీటిని బాగా కలపాలి. తలంటుకునే ముందు వేడి నీళ్లు లేదా వేడి గ్రీన్‌ టీ అందులో కలిపితే హెయిర్‌ప్యాక్‌ రెడీ. దీన్ని జుట్టుకు పట్టించి, 2-3 నిమిషాల తరువాత శుభ్రం చేసుకోవాలి.
ఈ మిశ్రమంలోని శీకాకాయల పొడి కురులను పట్టులా, మెరిసేలా చేస్తుంది. జుట్టు నెరవ కుండా చూస్తుంది. కుంకుడుకాయల పొడి కేశాలు నిండుగా పెరిగేలా చేసి, చుండ్రును పోగొడుతుంది. మాడుకు చల్లదనాన్ని ఇస్తుంది. సోంపు పొడి వెంట్రుకలు ఒత్తుగా పెరిగేందుకు తోడ్పడుతుంది.
