బెంగళూరులో 14 మంది పోలీసులకు Covid

బెంగళూరు : బెంగళూరు సిటీ మార్కెట్ పోలీస్ స్టేషన్‌లోని ఒక పోలీస్ సబ్-ఇన్‌స్పెక్టర్, ఇద్దరు అసిస్టెంట్ సబ్-ఇన్‌స్పెక్టర్లు, 10 మంది పోలీస్ కానిస్టేబుళ్లకు కొవిడ్ పాజిటివ్‌గా తేలిందని డిప్యూటీ కమిషనర్ ఆఫ్ పోలీస్ వెస్ట్ సంజీవ్ పాటిల్ విలేకరులకు తెలిపారు.కరోనా సోకిన వ్యక్తులందరూ ఇంటి నిర్బంధంలో ఉన్నారు. కరోనా వ్యాప్తి చెందిన పోలీసు స్టేషన్‌కు సీలు వేశారు. పోలీస్ స్టేషన్ మొత్తం 69 సిబ్బంది కాగా 43 మంది పోలీసులకు కరోనా పరీక్షలు చేశారు. మిగిలిన వారిని నైట్ డ్యూటీలో ఉంచారు.బైటరాయణపుర పోలీస్ స్టేషన్‌కు అనుబంధంగా ఉన్న సుమారు 60 మంది పోలీసులు బుధవారం ఆర్టీపీసీఆర్ పరీక్ష చేయించుకున్నారు. వీరిలో ఒక పోలీసుకు కరోనా పాజిటివ్ అని వచ్చింది. పోలీసు స్టేషన్ ప్రాంగణాన్ని శానిటైజ్ చేశారు.

కర్ణాటకలోని బళ్లారిలోని విజయనగర ఇన్‌స్టిట్యూట్ ఆఫ్ మెడికల్ సైన్సెస్ (విమ్స్)కు చెందిన 21 మంది వైద్య విద్యార్థులకు  కరోనా పాజిటివ్‌గా తేలింది. ఈ వార్తల నేపథ్యంలో హాస్టల్‌లో ఉంటున్న విద్యార్థులందరికీ అధికారులు పరీక్షలు నిర్వహించగా పాజిటివ్‌గా తేలిన వారిని జిల్లా ఆస్పత్రికి తరలించారు.వ్యాధి సోకిన విద్యార్థులంతా ప్రథమ, ద్వితీయ సంవత్సరం వైద్య విద్యార్థులేనని విమ్స్ డైరెక్టర్ డాక్టర్ టి.గంగాధర్ గౌడ్ తెలిపారు. అధికారులు ప్రాంగణాన్ని శానిటైజ్ చేశామని డైరెక్టర్ తెలిపారు. యునైటెడ్ కింగ్ డమ్ నుంచి వచ్చిన ఓ ప్రయాణికుడికి కరోనా అని తేలడంతో అతన్ని బెంగళూరు రూరల్ లోని దొడ్డబల్లాపూర్ ప్రాంతంలోని మణిపాల్ ఆసుపత్రికి తరలించారు.రోగికి విమానాశ్రయంలో పరీక్షలు జరిపి ఆసుపత్రికి తరలించారు. అయితే మంగళవారం ఆస్పత్రిలోని ఓ అధికారి కరోనా రోగి కనిపించడం లేదని గుర్తించి పోలీసులకు ఫిర్యాదు చేశారు.