ఢిల్లీ, గురుగ్రామ్ నగరాల్లో పెరుగుతున్న కొవిడ్ కేసులు

ABN , First Publish Date - 2022-04-15T18:17:23+05:30 IST

దేశరాజధాని నగరమైన ఢిల్లీతోపాటు గురుగ్రామ్ నగరంలో కరోనా కేసుల సంఖ్య పెరుగుతుండటం ఆందోళనకు గురిచేస్తోంది....

ఢిల్లీ, గురుగ్రామ్ నగరాల్లో పెరుగుతున్న కొవిడ్ కేసులు

న్యూఢిల్లీ: దేశరాజధాని నగరమైన ఢిల్లీతోపాటు గురుగ్రామ్ నగరంలో కరోనా కేసుల సంఖ్య పెరుగుతుండటం ఆందోళనకు గురిచేస్తోంది. ఎన్సీఆర్ ప్రాంతంలో కొవిడ్ కేసులు పెరుగుతుండటంతో నాల్గవ వేవ్ ప్రారంభమైందని ఆరోగ్యశాఖ అధికారులు చెపుతున్నారు.గురుగ్రామ్‌ నగరంలో కరోనావైరస్ పాజిటివిటీ రేటు పెరిగింది.  గురుగ్రామ్ నగరంలో కరోనా పాజిటివిటీ రేటు 8.5శాతం పెరిగింది. హర్యానా  రాష్ట్రవ్యాప్తంగా బుధవారం నమోదైన మొత్తం 179 కొవిడ్ -19 కేసుల్లో 146 గురుగ్రామ్‌లోనే వెలుగుచూశాయి.దీంతో హర్యానా ఆరోగ్య శాఖ అప్రమత్తమైంది. కరోనా మహమ్మారి ఇకపై రాష్ట్ర బాధ్యత కాదని, వ్యక్తిగత వ్యక్తుల బాధ్యత అని ఇమ్యునాలజిస్ట్ సత్యజిత్ రాత్ అన్నారు.


ఢిల్లీలోని నేషనల్ ఇన్‌స్టిట్యూట్ ఆఫ్ ఇమ్యునాలజీ చెందిన రాత్ ఈ వ్యాఖ్యలు చేశారు. మార్చి నెలలో ప్రపంచ ఆరోగ్య సంస్థ  కొవిడ్ పరిమితులను ఎత్తివేయడం, మాస్కు ధరించాలనే ఆదేశాలను ఎత్తివేయడం,భౌతిక దూరాన్ని అంతం చేయడం ప్రపంచవ్యాప్తంగా పెరుగుతున్న కేసులకు కారణమని తెలిపింది.ఢిల్లీలోనూ రోజువారీ కేసులలో అత్యధిక పెరుగుదల కనిపించింది. ఢిల్లీలో 2.39 శాతం సానుకూలత రేటుతో 325 తాజా కొవిడ్ -19 కేసులు నమోదయ్యాయి. కొంతమంది పాఠశాల విద్యార్థులకు కరోనా పాజిటివ్ అని తేలడంతో ప్రభుత్వం పాఠశాలలను మూసివేసింది.


Updated Date - 2022-04-15T18:17:23+05:30 IST