ట్రాయ్‌ నుంచి.. ట్రూకాలర్‌ తరహా యాప్‌

Published: Sun, 22 May 2022 01:57:38 ISTfb-iconwhatsapp-icontwitter-icon
ట్రాయ్‌ నుంచి.. ట్రూకాలర్‌ తరహా యాప్‌

డీవోటీ నుంచి ప్రతిపాదనలు

త్వరలో యాప్‌ రూపకల్పన

స్వాగతించిన ట్రూకాలర్‌ సంస్థ


న్యూఢిల్లీ, మే 21: స్మార్ట్‌ఫోన్‌ యూజర్లందరికీ కాలర్‌ ఐడెంటిఫికేషన్‌ యాప్‌ ట్రూకాలర్‌ సుపరిచితమే! దాని తరహాలోనే ఓ యాప్‌ తయారీకి డిపార్ట్‌మెంట్‌ ఆఫ్‌ టెలికాం(డీవోటీ) ప్రతిపాదనలు చేసింది. ఆ బాధ్యతలు నిర్వర్తించాలని భారత టెలికాం నియంత్రణ సంస్థ(ట్రాయ్‌)కి సూచనలు చేసింది. ‘‘త్వరలో యాప్‌ను రూపొందించే పనులను ప్రారంభిస్తాం. అన్ని టెలికాం సంస్థలు సిమ్‌కార్డు జారీ సమయంలో ఇచ్చే కేవైసీ ఆధారంగా మా యాప్‌ ద్వారా కాలర్‌ ఐడీ సేవలు అందిస్తాం’’ అని ట్రాయ్‌ చైర్మన్‌ పీడీ వాఘేలా పేర్కొన్నారు. అయితే.. ట్రూకాలర్‌ తరహాలో యాప్‌ను రూపొందించడం ఎన్నో సవాళ్లతో కూడుకున్న అంశమని ఐటీ రంగ నిపుణులు చెబుతున్నారు. కానీ ట్రాయ్‌ నిర్ణయాన్ని ట్రూకాలర్‌ స్వాగతించింది. యాప్‌ను అభివృద్ధి చేయడంలో సాయం చేస్తామని ఆ సంస్థ అధికార ప్రతినిధి తెలిపారు.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.