గౌతమ్‌రెడ్డికి జిమ్‌ అంటే ప్రాణం

Published: Mon, 21 Feb 2022 19:39:02 ISTfb-iconwhatsapp-icontwitter-icon
గౌతమ్‌రెడ్డికి జిమ్‌ అంటే ప్రాణం

అమరావతి: మంత్రి గౌతమ్‌రెడ్డి ఎక్కడ కనిపించినా చాలా కళ్లు ఆయన్ను ప్రత్యేకంగా గమనిస్తాయి. దానికి కారణం ఆయన శరీరాకృతి. ఆరు అడుగుల పొడవు, కండలు తిరిగిన  శరీరాకృతి యువతరాన్ని ప్రత్యేకంగా ఆకర్షించేది. కండలు తిరిగిన ఆయన శరీరం గురించి యువత కథలు కథలుగా మాట్లాడుకునేవారు. అందరిని ఆకర్షించే ఆ కండల వెనుక గౌతమ్‌రెడ్డి కఠోర శ్రమ, క్రమశిక్షణ దాగున్నాయని చెబుతారు. జిమ్‌ గౌతంరెడ్డి ఆరవప్రాణంగా చెబుతారు. ఎంత బిజీ షెడ్యూల్‌లో ఉన్నా సరే ఉదయం, సాయంత్రం గంట నుంచి రెండు గంటల సేపు ఆయన జిమ్‌లో గడుపుతారు. అందుకు అనుగుణంగా నెల్లూరు, హైదరాబాద్‌లలోని తన నివాసాల్లోనే జిమ్‌ కోసం ప్రత్యేకంగా గదిని ఏర్పాటు చేసుకున్నారు. జిమ్‌ ఎలా చేయాలి, ఎంత సేపు చేయాలి, ఎలాంటి ఆహారం తీసుకోవాలి.. అనే విషయాలు చూసుకోవడానికి ప్రత్యేకంగా ఒక ట్రైనర్‌ ఉంటారు. గౌతంరెడ్డి ఎక్కడికి వెళ్లినా ఈ ట్రైనర్‌ వెంట ఉండాల్సిందే. గౌతంరెడ్డి ఆహార ప్రియుడు అనే ప్రచారం ఉన్నా, ఎంత తింటారో అంత ఖర్చు చేసేవరకు జిమ్‌ రూమ్‌ వదలి బయటకు రాడని, ఆ కారణంగానే ఆయన శరీరాకృతి అంత ఫిట్‌గా ఉంటుందని అనుచరులు  చెబుతారు. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ఆంధ్రప్రదేశ్ Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.