కొత్తూర్‌ మున్సిపాలిటీ ఎన్నికకు కసరత్తు

ABN , First Publish Date - 2021-02-25T04:52:36+05:30 IST

కొత్తూర్‌ మున్సిపాలిటీ ఎన్నికకు కసరత్తు

కొత్తూర్‌ మున్సిపాలిటీ ఎన్నికకు కసరత్తు

  • వార్డుల విభజనకు నోటిఫికేషన్‌ 
  • మార్చి 25న ఫైనల్‌ జాబితా

కొత్తూర్‌: వరంగల్‌, ఖమ్మం మున్సిపల్‌ కార్పొరేషన్లు, సిద్దిపేట తదితర కౌన్సిళ్ల ఎన్నికలకు ప్రభుత్వం బుధవారం ఉత్తర్వులు జారీ చేసింది. దీనిలో భాగంగా జిల్లాలో కొత్తగా ఏర్పాటైన కొత్తూరు మున్సిపాలిటీ వార్డుల విభజనకు సైతం నోటిఫికేషన్‌ విడుదలైంది. మున్సిపల్‌ అడ్మినిస్ర్టేషన్‌ ప్రిన్సిపల్‌ సెక్రటరీ అరవింద్‌కుమార్‌ సీడీఎంఏకు ఉత్తర్వులు జారీచేశారు. కొత్తూర్‌ మున్సిపాలిటీని మొదట అధికారులు 12వార్డులుగా విభజించారు. ఈ వార్డులపై ఫీల్డ్‌ సర్వే చేసి డ్రాఫ్ట్‌లి్‌స్టను పంపనున్నారు. వార్డుల విభజన, సంఖ్యపై ఎమ్మెల్యే, ఎంపీ, రాజకీయ నాయకులు, ప్రజల అభిప్రాయాలు, సలహాలు స్వీకరించి రాష్ట్ర ఉన్నతాధికారులకు నివేదిక ఇస్తారు. ఈనెల 25 నుంచి మార్చి 6వ తేదీ వరకు వార్డుల్లో సర్వే నిర్వహిస్తారు. మార్చి 7నుంచి 8వరకు వార్డుల విభజనపై ఎంపీ, ఎమ్మెల్యే, ప్రజల నుంచి  సూచనలు స్వీకరిస్తారు. మార్చి 9 నుంచి 15 వరకు అభ్యంతరాల స్వీకరణ ఉంటుంది. మార్చి 16 నుంచి 21 వరకు అభ్యంతరాలను పరిష్కరిస్తారు. మార్చి 22న సీఎండీఏకు నివేదిక అందిస్తారు. మార్చి 23 నుంచి 24 వరకు సీఎండీఏ నుంచి ప్రభుత్వానికి నివేదిక అందుతుంది. మార్చి 25న తుది వార్డుల విభజన నోటిఫికేషన్‌ వెలువరుస్తామని ప్రభుత్వం తన జీవోలో పేర్కొంది.

Updated Date - 2021-02-25T04:52:36+05:30 IST