గురజాడకు ఘన నివాళులు
ABN , First Publish Date - 2021-12-01T06:19:38+05:30 IST
ప్రముఖ సంఘ సంస్కర్త, మహాకవి గురజాడ అప్పారావు వర్ధంతి సందర్భంగా మంగళవారం ఎస్‌.రాయవరంలో ఆయన విగ్రహానికి ఎంపీపీ బొలిశెట్టి శారదాకుమారి, గోవిందరావు దంపతులు పూలమాలలువేసి నివాళులు అర్పించారు.
ఎస్‌.రాయవరంలో విగ్రహానికి పూలమాలలు వేసిన ఎంపీపీ దంపతులు
ఎస్‌.రాయవరం, నవంబరు 30: ప్రముఖ సంఘ సంస్కర్త, మహాకవి గురజాడ అప్పారావు వర్ధంతి సందర్భంగా మంగళవారం ఎస్‌.రాయవరంలో ఆయన విగ్రహానికి ఎంపీపీ బొలిశెట్టి శారదాకుమారి, గోవిందరావు దంపతులు పూలమాలలువేసి నివాళులు అర్పించారు. ఈ సందర్భంగా వారు మాట్లాడుతూ, గురజాడ వంటి మహాపురుషుడు జన్మించిన ఎస్‌.రాయవరంలో తాము ఉండడం పూర్వజన్మ సుకృతమని అన్నారు. గురజాడ కళాక్షేత్రాన్ని మరింత అభివృద్ధి చేస్తామన్నారు. ఈ కార్యక్రమంలో మాజీ సర్పంచ్‌ లక్కోజు ఆదిమూర్తి, సర్పంచ్‌ భూపతి అప్పారావు తదితరులు పాల్గొన్నారు.
