ఒమైక్రాన్ ఎఫెక్ట్.. న్యూజెర్సీలో హెల్త్ ఎమర్జెన్సీ

ఎన్నారై డెస్క్: కరోనా వ్యాప్తి దృష్ట్యా న్యూజెర్సీ గవర్నర్ కీలక నిర్ణయం తీసుకున్నారు. రాష్ట్ర వ్యాప్తంగా హెల్త్ ఎమర్జెన్సీని ప్రకటించారు. ఈ ఆదేశాలు తక్షణం అమల్లోకి వస్తాయని ఆయన వెల్లడించారు. ఇందుకు సంబంధించిన పూర్తి వివరాల్లోకి వెళితే.. 

అగ్రరాజ్యం అమెరికాలో కరోనా వైరస్ విజృంభిస్తోంది. 10లక్షలకుపైగా కొవిడ్ కేసులు నమోదవుతున్నాయి. న్యూజెర్సీలో ప్రతిరోజు 35వేల మంది కొవిడ్ బారినపడుతున్నారు. ఈ నేపథ్యంలో మంగళవారం రోజు రాష్ట్ర గవర్నర్ ఫిల్ మర్పీ కీలక ప్రకటన చేశారు. రాష్ట్ర వ్యాప్తంగా హెల్త్ ఎమర్జెన్సీ ప్రకటించారు. ఒమైక్రాన్ వేరియంట్ వేవ్‌ను అధిగమించడానికి అందుబాటులో ఉన్న అన్ని వనరులను ఉపయోగించుకోనున్నట్టు ఈ సందర్భంగా ఆయన వెల్లడించారు. అంతేకాకుండా ఇప్పటి వరకు దాదాపు 10వేల మంది ప్రజలు ఆసుపత్రి పాలైనట్టు పేర్కొన్నారు.