Heavy rains: ఏపీలో భారీ నుంచి అతిభారీ వర్షాలు

ABN , First Publish Date - 2022-09-10T22:06:52+05:30 IST

బంగాళాఖాతంలో తీవ్ర అల్పపీడనం కొనసాగుతోంది. తీవ్ర అల్పపీడనం మరింత బలపడి వాయుగుండంగా మారే అవకాశం ఉందని

Heavy rains: ఏపీలో భారీ నుంచి అతిభారీ వర్షాలు

విశాఖ: బంగాళాఖాతంలో తీవ్ర అల్పపీడనం కొనసాగుతోంది. తీవ్ర అల్పపీడనం మరింత బలపడి వాయుగుండంగా మారే అవకాశం ఉందని వాతావరణ శాఖ హెచ్చరించింది. అల్పపీడనం ప్రభావంతో కోస్తా అంతటా విస్తారంగా వర్షాలు కురుస్తాయని అధికారులు తెలిపారు. ఉత్తర కోస్తా జిల్లాల్లో భారీ నుంచి అతిభారీ వర్షాలు (Heavy rains) పడే అవకాశం ఉందని, శ్రీకాకుళం, విజయనగరం, విశాఖ, తూర్పుగోదావరి (Visakha East Godavari) జిల్లాలు, యానాంలో భారీ నుంచి అతి భారీ వర్షాలు పడే అవకాశం ఉందని, అలాగే దక్షిణ కోస్తా రాయలసీమ జిల్లాల్లో ఒకట్రెండు చోట్ల భారీ వర్షాలు పడే అవకాశం ఉందని అధికారులు ప్రకటించారు. అల్పపీడన ప్రభావం వల్ల తీరం వెంబడి గంటకు 40 నుంచి 50 కిలోమీటర్ల వేగంతో ఈదురు గాలులు వీస్తాయని, మత్స్యకారులు వేటకు వెళ్లకూడదని అధికారుల హెచ్చరించారు. వర్షాల ప్రభావంతో కృష్ణా, గోదావరికి వరదలు వచ్చే అవకాశం ఉందని, అధికారులు అప్రమత్తంగా ఉండాలని ప్రభుత్వం సూచించింది. అలాగే దక్షిణ ఒడిశా, తెలంగాణ జిల్లాల్లో మోస్తారు నుంచి భారీ వర్షాలు పడే అవకాశం ఉందని తెలిపారు. పశ్చిమతీరాన్ని ఆనుకొని కొనసాగుతున్న మరో ద్రోణి ప్రభావంతో.. కర్ణాటక, మహారాష్ట్ర (Karnataka Maharashtra)లోనూ అక్కడక్కడ వర్షాలు పడుతాయని పేర్కొన్నారు.

Updated Date - 2022-09-10T22:06:52+05:30 IST