Viral Video: ఈ మాటలు ఎక్కడ నేర్చుకున్నావురా బాబూ.. చదవమంటే ఈ చిన్నోడు ఏమంటున్నాడో విన్నారా..!

ఇంటర్నెట్ డెస్క్: స్కూల్‌కు వెళ్లడం.. హోం వర్క్ చేయడం.. చదవడం.. ఇలాంటి మాటలు సాధారణంగానే చిన్న పిల్లలకు నచ్చవు. వాటిని తప్పించుకోవడానికి రకరకాల కారణాలు చెబుతూ ఉంటారు. ఈ కోవకే చెందిన ఓ బుడ్డోడి వీడియో ప్రస్తుతం నెట్టింట వైరల్ అవుతోంది. అది చూసి నెటిజన్లు రకరకాలుగా కామెంట్స్ చేస్తున్నారు. ఇప్పటి వరకు ఆ వీడియోను ఐదు లక్షల మంది వీక్షించగా.. 23వేల మంది లైక్ చేశారు. కాగా.. ఇంతకూ ఆ వీడియోలో ఏముందంటే..

ఓ మహిళ తన పిల్లలు ఇద్దరిని కూర్చోబెట్టి.. హోం వర్క్‌ చేయించింది. అనంతరం స్కూల్‌లో చెప్పిన పాఠాలను చదివించేందుకు ప్రయత్నించింది. ఈ క్రమంలోనే బుడ్డోడు.. చదవనని మారాం చేస్తాడు. దీంతో ఎందుకు చదవవు? అని ఆ తల్లి ప్రశ్నంచగా.. దానికి చిన్నోడు ఫన్నీ రిప్లే ఇచ్చాడు. ‘అరే ఎంత సేపు చదవాలి. చదివి.. చదివి.. ముసలాడిని అయ్యేలా ఉన్నాను’ అంటూ ఏడుస్తూ తన బాధను వ్యక్తం చేశాడు. ఈ దృశ్యాలను వీడియో తీసి సోషల్ మీడియాలో పోస్ట్ చేయడంతో అదికాస్తా వైరల్‌గా మారింది. దీంతో నెటిజన్లు స్పందిస్తున్నారు. ‘అవును మన ఎడ్యుకేషన్ సిస్టంలో మార్పు రావాలి’ అంటూ కొందరు కామెంట్ చేస్తే.. ‘చదివితేనే జీవితం బాగుంటుంది’ అని మరికొందరు కామెంట్స్ చేస్తున్నారు.