చుండ్రు పోవాలంటే..!
ABN , First Publish Date - 2021-04-21T05:30:00+05:30 IST
చుండ్రు చిన్న సమస్యగానే కనిపిస్తుంది. కానీ దాన్ని వదిలించుకోవడానికి చాలా ప్రయత్నాలు చేసి విఫలమవుతున్న వారిని చూస్తూనే ఉంటాం. అయితే షాంపూల అవసరం లేకుండా చుండ్రును దూరం చేసేందుకు కొన్ని చిట్కాలున్నాయి. అవేమిటంటే...
చుండ్రు చిన్న సమస్యగానే కనిపిస్తుంది. కానీ దాన్ని వదిలించుకోవడానికి చాలా ప్రయత్నాలు చేసి విఫలమవుతున్న వారిని చూస్తూనే ఉంటాం. అయితే షాంపూల అవసరం లేకుండా చుండ్రును దూరం చేసేందుకు కొన్ని చిట్కాలున్నాయి. అవేమిటంటే...
- వారంలో రెండు రోజులు తలకు ఆలివ్ ఆయిల్తో మసాజ్ చేయాలి. ఆలివ్ ఆయిల్లో సహజసిద్ధంగా చుండ్రును తొలగించే గుణాలున్నాయి.
- నిమ్మ ఆకులను అరగంట పాటు నీళ్లలో మరిగించాలి. తరువాత ఆ ఆకులను పేస్ట్ మాదిరిగా చేసి తలకు పట్టించాలి. నలభైనిమిషాల తరువాత శుభ్రంగా కడుక్కోవాలి.
- అలోవెరాలో యాంటీబ్యాక్టీరియల్, యాంటీ ఫంగల్ గుణాలుంటాయి. ఇవి చుండ్రును సమర్ధవంతంగా తొలగిస్తాయి. తలకు అలోవెరా జెల్ను పట్టించి నలభై నిమిషాల తరువాత కడుక్కుంటే చుండ్రు సమస్య దూరమవుతుంది.
- మెంతులను రాత్రంతా నీళ్లలో నానబెట్టి ఉదయాన్నే పేస్ట్ మాదిరిగా చేసుకుని తలకు పట్టించాలి. అరగంటపాటు అలా వదిలేసి తరువాత గోరువెచ్చని నీటితో శుభ్రం చేసుకోవాలి. వారానికి ఒకసారి ఇలా చేయాలి.