షార్ట్‌ సర్క్యూట్‌తో తాటాకు ఇల్లు దగ్ధం

రూ. 70 వేలు నష్టం.. ఇంటి యజమానికి గాయాలు 

ముసునూరు, ఆగస్టు 9 : షార్ట్‌ సర్క్యూట్‌తో తాటాకు ఇల్లు పూర్తిగా దగ్ధమైన ఘటన గోగులంపాడులో జరిగింది. మంగళవారం తెల్లవారుజా మున జరిగిన ఘటనలో ఒంటరిగా ఇంట్లో ఉంటున్న మాన్‌రాజు వెంకటేశ్వరావుకు తీవ్ర గాయాలయ్యాయి. మంటలు చెలరేగడంతో అనారోగ్యంతో ఇంటిలో పడుకున్న ఆయన బయటకు రాలేకపోయాడు. పక్కనే నివాసముంటున్న కుమారుడు బయటకు తీసుకురావడంతో ప్రాణాపాయం తప్పింది. అప్పటికే వీపు వెనుక భాగంతో పాటు మరికొన్ని చోట్ల కాలి తీవ్ర గాయాలయ్యాయి. బాధితుడిని నూజివీడు ఏరియా ఆసుపత్రికి తరలించగా పరిస్థితి విషమంగా ఉండడంతో మెరుగైన వైద్యానికి విజయవాడ ప్రభుత్వ ఆసుపత్రి పంపారు. ప్రమాద ఘటనను వీఆర్వో శోభన్‌కుమార్‌ పరిశీలించి, సూమారు రూ. 70వేలు ఆస్తి నష్టం వాటిల్లిందని తెలిపారు. ప్రభుత్వ నుంచి అందించే  సాయాన్ని బాధితుడికి అందజేస్తామని వీఆర్వో తెలిపారు.