అతణ్ణి అంచనా వేయడం ఎలా?

Published: Thu, 19 Mar 2020 01:18:01 ISTfb-iconwhatsapp-icontwitter-icon
అతణ్ణి అంచనా వేయడం ఎలా?

నేను ఎనిమిదేళ్లుగా ఒకతణ్ణిప్రేమిస్తున్నాను. అతను కూడా నాతో చాలా ప్రేమగా ఉంటాడు. మా కులాలు వేరు. అయినా ఇంట్లో పెద్దవారితో చెప్పాం. ఒప్పుకుంటేనే పెళ్లి. ఈలోగా అతనికి ఇంకో అమ్మాయితో సంబంధం ఉందని తెలిసింది. అడిగితే ‘అనుకోకుండా జరిగిందని, నన్ను బాగా చూసుకుంటా’అని అంటున్నాడు. అందరూ అతని గురించి మంచిగానే చెబుతారు. నాకూ అతణ్ణే  పెళ్లి చేసుకోవాలని ఉంది. కానీ నా అంత సిన్సియర్‌గా అతను ప్రేమించడం లేదేమోనని ఎక్కడో అనిపిస్తోంది. అతనికి తల్లితండ్రులు లేరు. నాదేమో పెద్ద కుటుంబం. ఆస్తి కూడా బాగానే ఉంది. ఈ పరిస్థితుల్లో ఏం చేయాలో తెలియడం లేదు. 

-చిన్ని

ఓ పక్క అతన్నే చేసుకోవాలని ఉంది. అందుకే క్షమార్హం కాని తప్పు చేసినా క్షమిద్దాం అనుకుంటున్నారు. మరోపక్క పెళ్లయ్యాక ఇలా ఉంటే ఎలా అనే సందిగ్ధం. ఎందుకొచ్చిన కష్టాలు? పెద్దవాళ్లు చెప్పినట్టు చేస్తే సరి అని మరోపక్క. అంటే మీకే స్థిరమైన అభిప్రాయం లేదు. అతన్ని చేసుకుంటే ఒకలా, చేసుకోకపోతే ఇంకోలా మనసుని మభ్యపుచ్చే ప్రయత్నాలు చేస్తున్నారు. అంత కష్టపడకండి. పెళ్లికి ముందే తప్పు చేసి నిర్భయంగా ఒప్పుకున్నాడు అంటే మరోసారి అదే దారిలో వెళ్లడని ఎంటీ? ఇలా భయంతో, అనుమానంతో పెళ్లి చేసుకున్నా మనశ్శాంతి ఉండదు. అందుచేత అతనితో తెగతెంపులు చేసుకుని పెద్దవాళ్లు చెప్పిన సంబంధం చేసుకుంటే మేలేమో ఆలోచించండి.

- కె.శోభ,  ఫ్యామిలీ కౌన్సెలర్‌, హార్ట్‌ టు హార్ట్‌

[email protected]

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకం Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.