కీళ్లనొప్పులు రాకూడదంటే..!
ABN , First Publish Date - 2021-05-17T16:58:50+05:30 IST
ఒమెగా 3 తక్కువగా తీసుకునే వారిలో కీళ్లు బిగుసుకుపోవడం, వాపు వంటి సమస్యలు కనిపిస్తాయి. సాల్మన్, ట్రౌట్, మాక్రెల్, సార్టినెస్ వంటి చేపలు ఎక్కువగా తినాలి. వీటిలో ఒమెగా 3 ఫ్యాటీయాసిడ్స్ పుష్కలంగా లభిస్తాయి.
ఒమెగా 3 తక్కువగా తీసుకునే వారిలో కీళ్లు బిగుసుకుపోవడం, వాపు వంటి సమస్యలు కనిపిస్తాయి. సాల్మన్, ట్రౌట్, మాక్రెల్, సార్టినెస్ వంటి చేపలు ఎక్కువగా తినాలి. వీటిలో ఒమెగా 3 ఫ్యాటీయాసిడ్స్ పుష్కలంగా లభిస్తాయి.
ఒకవేళ మీరు శాకాహారులైతే వాలనట్స్, అవిసెలు, ఫిష్ ఆయిల్ సప్లిమెంట్స్ను తీసుకోవాలి.
విటమిన్ సి ఎక్కువగా తీసుకోవాలి. స్ట్రాబెర్రీలు, ఆరెంజ్, కివి, పైనాపిల్, క్యాలిఫ్లవర్, బ్రొక్కోలి, క్యాబేజీ వంటివి ఎక్కువగా తినాలి.
పండ్లు, కూరగాయలు ఎక్కువగా తినడం వల్ల ఆస్టియో ఆర్థరైటిస్పై పోరాడే శక్తి లభిస్తుంది.
ధాన్యాలు, పండ్లు, కూరగయాల్లో కూడా తక్కువ ఫ్యాట్ ఉండే ఆహార పదార్థాలను తీసుకున్నట్లయితే కీళ్లనొప్పులు వచ్చే అవకాశాలు చాలా తగ్గుతాయి.
యాంటీ ఇన్ఫ్లమేటరీ మందుల్లో ఉపయోగించే కెమికల్స్ అల్లంలో ఉంటాయి. కాబట్టి అల్లం టీ ఎక్కువగా తాగాలి. ఆహారపదార్థాల్లోనూ అల్లం వాడాలి. పసుపులో కూడా కీళ్లలో వాపును తగ్గించే గుణం ఉంది.