ఆ ప్రదేశం ఆరోగ్యంగా...
ABN , First Publish Date - 2021-10-05T17:21:22+05:30 IST
జననేంద్రియాలకు సంబంధించి మహిళల్లో అనుమానాలుంటాయి. ఏ లక్షణాలు అనారోగ్యకరమో, వేటిని అనుమానించి వైద్యులను కలవాలో తెలుసుకోవడం అవసరం.
ఆంధ్రజ్యోతి(05-10-2021)
జననేంద్రియాలకు సంబంధించి మహిళల్లో అనుమానాలుంటాయి. ఏ లక్షణాలు అనారోగ్యకరమో, వేటిని అనుమానించి వైద్యులను కలవాలో తెలుసుకోవడం అవసరం.
దురద, మంట: విడవకుండా దురద, మంటలు వేధిస్తుంటే వెజైనల్ ఇన్ఫెక్షన్గా అనుమానించి, వీలైనంత త్వరగా వైద్యులను కలవాలి.
దుర్వాసన స్రావం: దుర్వాసన లోదుస్తులకూ అంటుకుంటుంటే కచ్చితంగా అనుమానించాలి. తరచుగా ఘాటైన, కుళ్లిపోయిన వాసనతో కూడిన స్రావాలు కనిపిస్తే, ఇన్ఫెక్షన్గా అనుమానించి వైద్యులను కలవాలి.
రక్తస్రావం: నెలసరి మధ్యలో రక్తస్రావం కనిపించినా అప్రమత్తం కావాలి. అలాగే నెలసరి రోజులు క్రమం తప్పి ఎక్కువ రోజుల పాటు కొనసాగినా సమస్య ఉందని అర్థం చేసుకోవాలి.
పొడిబారడం: ఈస్ట్రోజన్ హార్మోన్ ఉత్పత్తి తగ్గితే వెజైనా పొడిబారి, పలుచగా మారుతుంది. తేలికగా కందిపోతూ ఉంటుంది. ఈ పరిస్థితిని ‘వెజైనల్ అట్రోఫీ’ అంటారు. అంగప్రవేశం నొప్పిని కలుగజేస్తుంటే అట్రోఫీగా భావించి, వైద్యులు సూచించిన మందులు వాడుకోవాలి.