ఆందోళన పెరుగుతోందా?
ABN , First Publish Date - 2021-10-26T09:10:48+05:30 IST
ప్రతి ఒక్కరూ ఎంతో కొంత ఆందోళనకు గురవుతూ ఉండడం సహజం. అయితే అగ్నికి ఆజ్యం తోడైన చందంగా దైనందిన జీవితంలోని కొన్ని అంశాలు ఆ ఆందోళనను రెట్టింపు చేస్తూ ఉంటాయి. అవేంటంటే...
స్ట్రెస్ ఫ్రీ
ప్రతి ఒక్కరూ ఎంతో కొంత ఆందోళనకు గురవుతూ ఉండడం సహజం. అయితే అగ్నికి ఆజ్యం తోడైన చందంగా దైనందిన జీవితంలోని కొన్ని అంశాలు ఆ ఆందోళనను రెట్టింపు చేస్తూ ఉంటాయి. అవేంటంటే...
ఆకలి:
భోజనం మానుకోవడం వల్ల హైపోగ్లైసీమియా ఏర్పడి, చికాకు, తలతిరుగుడు, ఆందోళన పెరుగుతుంది. కాబట్టి కచ్చితమైన భోజనవేళలు పాటించాలి.
కెఫీన్:
దీనికి యాంగ్జయిటీ యాంప్లిఫయర్ అని పేరు. కాఫీ తాగిన చాలా సమయం తర్వాత ప్రభావం మొదలవుతూ ఉంటుంది. కాబట్టి కాఫీకీ, ఆందోళనకూ ఉన్న సంబంధాన్ని కనిపెట్టలేకపోతూ ఉంటాం.
తీపి:
ఆందోళన, ఒత్తిడిలను తీపి తాత్కాలికంగా అదుపు చేస్తుంది. అయితే నిజానికి తీపితో ఆందోళన, డిప్రెషన్లు పెరుగుతాయి.
ప్రాసెస్డ్ ఫుడ్:
వీటిలో రుచిని పెంచడానికి వాడే అడిటివ్స్ ఆందోళన పెరగడానికి తోడ్పడతాయి.
డీహైడ్రేషన్:
ఒంట్లో నీరు తగ్గితే, శరీరం ఒత్తిడికి లోనవుతుంది. ఫలితంగా ఆందోళన తలెత్తడం సహజం.