Advertisement

మండు వేసవిలోనూ అక్కడ ఐస్‌ కరగదు!

May 7 2021 @ 23:27PM

ఒక ఐస్‌ ముక్కను తీసి చేతిలో పట్టుకోండి. ఎండలు మండిపోతున్న ఈ సమయంలో కాసేపట్లోనే ఐస్‌ కరిగిపోతుంది. కానీ ఆ గుహలో ఉన్న ఐస్‌ మాత్రం కొంచెం కూడా కరగదు. ఇంకా చెప్పాలంటే ఏడాదంతా మంచుతోనే ఉంటుంది. ఆ విశేషాలు ఇవి...


చైనాలోని షాంక్సి ప్రాంతంలో ఒక మంచు గుహ ఉంది. ఆ గుహ మొత్తం మంచుతో నిండి ఉంటుంది. ఆ గుహను ‘నింగ్వు కేవ్‌’ అని అంటారు

బయట ఎంత వేడి ఉన్నా గుహలోపల మంచు మాత్రం కొంచెం కూడా కరగదు. వేసవికాలంలోనూ మంచు కరగకపోవడం ఆశ్చర్యానికి గురిచేస్తుంది. 

ఇక్కడ మంచు కరగకపోవడానికి కారణం ఉంది. ఇలాంటి గుహలను ‘కోల్డ్‌ట్రాప్స్‌’ అని పిలుస్తారు. ఇవి సహజసిద్ధంగా ఏర్పడినవే అయినా వీటిలో ప్రత్యేకత ఉంటుంది. చలికాలంలో చల్లటిగాలి లోపలకి వచ్చేలా దారి ఉంటుంది. కానీ వేసవిలో వేడిగాలి లోపలకు రాదు.

చలికాలంలో గుహలోకి చేరిన చల్లటిగాలి గుహలోనే ఉండిపోతుంది. తేలికగా ఉన్న వేడిగాలి లోపలికి ప్రవేశించలేదు. ఫలితంగా గుహలో మంచు కరగకుండా అలాగే ఉంటుంది. అప్పటికే ఉన్న మంచు గుహలోపలికి కొద్దిగా వేడిగాలి ప్రవేశించినా వెంటనే చల్లబరుస్తుంది.

Follow Us on:
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.