రష్యా చమురు కొన్నారో జాగ్రత్త... భారత్‌కు అమెరికా హెచ్చరిక...

Published: Wed, 16 Mar 2022 13:05:11 ISTfb-iconwhatsapp-icontwitter-icon
రష్యా చమురు కొన్నారో జాగ్రత్త... భారత్‌కు అమెరికా హెచ్చరిక...

వాషింగ్టన్ : డిస్కౌంట్ ధరకు చమురు ఇస్తామని రష్యా ఇచ్చిన ఆఫర్‌ను భారత దేశం స్వీకరించే అవకాశం ఉందని వస్తున్న వార్తలపై అమెరికా ఘాటుగా స్పందించింది. అదే జరిగితే భారత దేశం దండయాత్రకు మద్దతిచ్చినట్లవుతుందని, చరిత్రలో ఆ దేశానికి  అపఖ్యాతి తప్పదని హెచ్చరించింది.  


అమెరికా స్థానిక కాలమానం ప్రకారం మంగళవారం వైట్ హౌస్ ప్రెస్ సెక్రటరీ జెన్ సాకీ ఓ ప్రశ్నకు సమాధానంగా మాట్లాడుతూ, ఉక్రెయిన్‌పై యుద్ధం చేస్తున్న రష్యాపై ఆంక్షలు అమలవుతున్నాయని చెప్పారు. రష్యా నుంచి డిస్కౌంట్ ధరకు క్రూడాయిల్‌ను భారత దేశం కొనడం ఆ ఆంక్షలను ఉల్లంఘించినట్లు అవుతుందని తాను భావించడం లేదన్నారు. అయితే భారత్ అటువంటి నిర్ణయం తీసుకుంటే ఆ దేశాన్ని చరిత్రలో అపఖ్యాతిపాలు చేస్తుందని అన్నారు. ప్రస్తుతం రాసే చరిత్ర పుస్తకాల్లో ఏ వైపు ఉండాలనుకుంటున్నదీ భారత దేశం నిర్ణయించుకోవాలన్నారు. రష్యా నాయకత్వానికి మద్దతివ్వడమంటే దండయాత్రకు మద్దతివ్వడమేనన్నారు. దీనివల్ల విధ్వంసకర ప్రభావం ఉంటుందని చెప్పారు. తాము విధించిన, సిఫారసు చేసిన ఆంక్షలను పాటించాలని ప్రతి దేశాన్నీ కోరుతున్నామని తెలిపారు. 


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.