NRI దంపతులకు షాకింగ్ అనుభవం.. హాకీ స్టిక్‌తో దాడి చేసిన స్థానికులు.. కారణం ఏంటంటే!

Published: Mon, 04 Jul 2022 14:15:20 ISTfb-iconwhatsapp-icontwitter-icon
NRI దంపతులకు షాకింగ్ అనుభవం.. హాకీ స్టిక్‌తో దాడి చేసిన స్థానికులు.. కారణం ఏంటంటే!

ఎన్నారై డెస్క్: ఎన్నారై దంపతులకు చేదు అనుభవం ఎదురైంది. పెంపుడు శునకం కారణంగా దంపతులపై స్థానికులు ఆగ్రహం వ్యక్తం చేశారు. హాకీ స్టిక్‌తో ఇంటిపై దాడి చేశారు. ప్రస్తుతం అందుకు సంబంధించిన ఫొటోలు సోషల్ మీడియాలో వైరల్ అవుతున్నాయి. ఈ నేపథ్యంలో ఇందుకు సంబంధించిన పూర్తి వివరాల్లోకి వెళితే..


జర్మనీకి చెందిన ఎన్నారై దంపతులు జైపూర్‌లోని ఓ రెసిడెన్షియల్ కాంప్లెక్స్‌లో గత కొంత కాలంగా నివసిస్తున్నారు. ఆ దంపతులకు శునకాలంటే చాలా ఇష్టం. ఈ నేపథ్యంలో రెండు పెంపుడు శునకాలను తెచ్చుకుని పెంచుకుంటున్నారు. ఉదయం, సాయంత్రం వేళల్లో వాటిని సరదాగా రోడ్డుపై తిప్పుతారు. ఈ సందర్భంగా అవి రోడ్డుపైనే మలాన్ని విసర్జిస్తున్నాయి. ఇది స్థానికులకు నచ్చలేదు. దీంతో తాజాగా వారిపై ఆగ్రహం వ్యక్తం చేశారు. హాకీ స్టిక్‌తో దంపతుల ఇంటిపై దాడి చేశారు. ఈ అనూహ్య ఘటనతో ఆ భార్యభర్తలు ఒక్కసారిగా ఉలిక్కిపడ్డారు. ఈ సందర్భంగా మీడియాతో మాట్లాడిన ఆ దంపతులు.. దాడి నేపథ్యంలో సహాయం కోసం జర్మనీ ఎంబసీ, పోలీసులను సంప్రదించేందుకు ప్రయత్నించినట్టు వెల్లడించారు. అంతేకాకుండా.. తమ పెంపుడు శునకాలు రోడ్డుపై మల విసర్జన చేస్తే ఎప్పటికప్పుడు అక్కడ శుభ్రం చేస్తున్నట్టు వెల్లడించారు. అయినా స్థానికులు తమపై దాడికి యత్నించారని ఆరోపించారు. ఈ ఘటనకు సంబంధించిన దృశ్యాలు అక్కడ సీసీ కెమెరాలో రికార్డు అవడంతో ప్రస్తుతం అందుకు సంబంధించిన ఫొటోలు సోషల్ మీడియాలో వైరల్ అయ్యాయి. 


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.