Viral video: వామ్మో.. జస్ట్ మిస్.. రోడ్డుపై సైకిల్‌పై వెళుతున్న యువకుడికి భయంకర అనుభవం..!
ABN , First Publish Date - 2022-06-16T23:04:14+05:30 IST
ఒక వ్యక్తి అసోంలోని కజిరంగా నేషనల్ పార్క్‌లో సైకిల్ తొక్కుతున్నాడు..
ఒక వ్యక్తి అసోంలోని కజిరంగా నేషనల్ పార్క్‌లో సైకిల్ తొక్కుతున్నాడు.. అది అటవీ ప్రాంతం కావడంతో అతడికి షాకింగ్ అనుభవం ఎదురైంది.. రోడ్డు పక్కన ఉన్న పొదల్లో నుంచి ఓ చిరుత హఠాత్తుగా ఆ యువకుడిపై దూకింది.. వెంటనే అతడు సైకిల్ పై నుంచి కింద పడిపోయాడు.. చిరుత వెంటనే పారిపోయింది.. ఆ ఘటన సీసీటీవీ కెమేరాలో రికార్డు అయింది.. ఈ వీడియోను ఇండియన్ ఫారెస్ట్ ఆఫీసర్ పర్వీన్ కస్వాన్ సోషల్ మీడియాలో షేర్ చేశారు.
హఠాత్తుగా చిరుత మీదకు దూకడంతో ఆ సైక్లిస్ట్ కింద పడిపోయాడు. చిరుత అతడిని ఏమీ చేయకుండా వెనక్కి పారిపోయింది. ఆ యువకుడు కూడా సైకిల్ వెనక్కి తిప్పి వెళ్లిపోయాడు. ఈ ఘటనలో ఆ సైక్లిస్ట్‌కు గాయాలేం కాలేదు. `ఈ సంఘటన జనవరిలో కజిరంగా వద్ద జరిగింది. చిరుత హైవేని దాటడానికి ప్రయత్నిస్తోంది. అదే సమయంలో సైక్లిస్ట్ వచ్చాడు. నాకు తెలిసి ఇద్దరూ అదృష్టవంతులు. చిరుతపులి ఢీకొట్టడంతో ఆ సైక్లిస్ట్ పరిస్థితి ఏంటో ఊహించండి.. ఆ సైక్లిస్ట్ చాలా అదృష్టవంతుడ`ని ఆయన కామెంట్ చేశారు.
