విశాల్‌ చిత్రంలో కొత్త నటీనటులకు అవకాశం

Aug 1 2021 @ 13:46PM

కోలీవుడ్‌లోని ప్రముఖ హీరో విశాల్‌ కరోనా లాక్‌డౌన్‌తో ఏమా త్రం నిమిత్తం లేకుండా వరుస ప్రాజెక్టులకు కమిట్‌ అవుతున్నారు. ఈ యేడాది 'చక్ర' సినిమాతో ప్రేకక్షుల ముందుకు వచ్చిన ఆయన ఆ తర్వాత 'ఎనిమి', 'నాట్‌ ఏ కామన్‌మేన్‌' వంటి చిత్రాల్లో నటించారు. ఇందులో 'ఎనిమి' షూటింగ్‌ను పూర్తి చేసుకుని విడుదలకు సిద్ధమవుతోంది. మరోవైపు 'నాట్‌ ఏ కామన్‌మేన్‌' (విశాల్‌-31) చిత్రం షూటింగ్‌ కూడా పూర్తయ్యింది. ఈ చిత్రం షూటింగులోనే విశాల్‌ రెండుసార్లు గాయపడ్డారు. అయినప్పటికీ... ఆయన పట్టువదలని విక్రమార్కుడిలా సినిమా షూటింగును అనుకున్న సమయానికి పూర్తి చేశారు. 

ఇప్పుడు 'విశాల్‌-32' చిత్రానికి శ్రీకారం చుట్టనున్నారు. ఈ మూవీలో ఆయన కొత్తనటీనటులకు అవకాశం ఇవ్వనున్నారు. ఇందుకోసం ఆయన క్యాస్టింగ్‌ కాల్‌ ప్రకటన చేశారు. విలన్‌ పాత్రకు 25 నుంచి 30 యేళ్ళలోపువారు 5.8 నుంచి 6.2 అడుగులు ఎత్తు కలిగిన వారు, బాలుడు పాత్రకు 6 నుంచి 7 యేళ్ళలోపు సన్నగా వుండి యావరేజ్‌ ఎత్తుకలిగిన వారు దరఖాస్తు చేసుకోవచ్చు. అలాగే, యుక్త వయసు యువతి పాత్రకు 16-20 యేళ్ళ మధ్య కలిగి, సన్నని శరీరాకృతి కలిగివుండాలి. ఈ పాత్రలకు తమిళనాడు, హైదరాబాద్‌ ప్రాంతాలకు చెందిన వారికి తొలి ప్రాధాన్యత ఇస్తారు. నటనపై అభిరుచి, ఆసక్తి కలిగిన వారు తమ పూర్తి వివరాలను '89250 22988' అనే నంబరుకు ఆగస్టు 15వ తేదీ లోగా వాట్సాప్‌ చేయాల్సి ఉంటుంది.

Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.