ఈ ఏడాది వృద్ధి 11 శాతం : ఎస్‌ అండ్‌ పీ

న్యూఢిల్లీ: భారత ఆర్థిక వ్యవస్థ ప్రస్తుత ఆర్థిక సంవత్సరంలో 11 శాతం వృద్ధిని నమోదు చేస్తుందని ఎస్‌ అండ్‌ పీ గ్లోబల్‌ రేటింగ్స్‌ అంచనా వేసింది. అయితే దేశంలో విస్తృతంగా అమలులో ఉన్న లాక్‌డౌన్ల ప్రభావం తీద్రంగా ఉండవచ్చని ఆందోళన ప్రకటించింది. ప్రస్తుత వాతావరణంలో కొవిడ్‌-19ని అదుపు చేయడం ఆర్థిక వ్యవస్థ ముందున్న కీలకమైన రిస్క్‌ అని పేర్కొంది. ఎస్‌ అండ్‌ పీ ప్రస్తుతం భారత్‌కు ‘బిబిబి మైనస్‌’ రేటింగ్‌ ఇచ్చింది. ఈ ఏడాది మార్చి 31వ తేదీతో ముగిసిన ఆర్థిక సంవత్సరంలో జీడీపీ  మైనస్‌ 8 శాతం తిరోగమనం ఎదుర్కొనవచ్చని అధికారిక అంచనాలు తెలుపుతున్నాయి.