IndiGo: సౌదీ, ఖతార్ వెళ్లేవారికి ఇండిగో గుడ్న్యూస్
ABN , First Publish Date - 2022-09-07T17:31:26+05:30 IST
భారతీయ బడ్జెట్ క్యారియర్ ఇండిగో (IndiGo) తాజాగా కీలక ప్రకటన చేసింది. గల్ఫ్ దేశాలకు తమ నెట్వర్క్ను పెంచుకునే దిశగా కొన్ని కొత్త విమాన సర్వీసులు నడపనున్నట్లు ప్రకటించింది.
ఇంటర్నెట్ డెస్క్: భారతీయ బడ్జెట్ క్యారియర్ ఇండిగో (IndiGo) తాజాగా కీలక ప్రకటన చేసింది. గల్ఫ్ దేశాలకు తమ నెట్వర్క్ను పెంచుకునే దిశగా కొన్ని కొత్త విమాన సర్వీసులు నడపనున్నట్లు ప్రకటించింది. ఇప్పటికే నడుస్తున్న విమాన సర్వీసులకు ఇవి అదనం అని పేర్కొంది. దీనిలో భాగంగా దోహా, దుబాయ్, రియాద్లకు కొత్త విమాన సర్వీసులు ప్రకటించింది. అక్టోబర్ 30 నుంచి హైదరాబాద్ టు రియాద్, దోహాకు ఓ విమాన సర్వీస్ ప్రారంభిస్తోంది. అలాగే కర్నాటక రాష్ట్రం మంగళూరు నుంచి దుబాయ్ (Dubai)కు అక్టోబర్ 31 నుంచి మరో విమాన సర్వీస్ నడపనున్నట్లు వెల్లడించింది.
ఇక రియాద్-హైదరాబాద్ విమాన సర్వీస్ వారానికి రెండు రోజులు (సోమ, శనివారం) రియాద్ నుంచి హైదరాబాద్ (Hyderabad)కు వస్తుంది. అలాగే ఆది, శుక్రవారాల్లో హైదరాబాద్ నుంచి రియాద్ (Riyadh)కు వెళ్తుంది. దీనికి అదనంగా డైలీ హైదరాబాద్ నుంచి దుబాయ్కు ఓ విమాన సర్వీస్ ఉంటుంది. కాగా, ఈ కొత్త రూట్, అదనపు ఫ్రీక్వెన్సీలు భారత్, మధ్యప్రాచ్య దేశాల మధ్య కనెక్టివిటీని మెరుగుపరుస్తాయని ఎయిర్లైన్ నమ్మకంగా ఉంది. దీంతోపాటు గల్ఫ్ దేశాలకు తమ నెట్వర్క్ పెరుగుతుందని ఆశాభావం వ్యక్తం చేసింది.