Kuwait లోని ప్రవాసులకు ముఖ్య గమనిక.. జూన్ 15వ తేదీన Indian Embassy ఆధ్వర్యంలో..

Published: Tue, 14 Jun 2022 08:04:57 ISTfb-iconwhatsapp-icontwitter-icon
Kuwait లోని ప్రవాసులకు ముఖ్య గమనిక.. జూన్ 15వ తేదీన Indian Embassy ఆధ్వర్యంలో..

కువైత్ సిటీ: కువైత్‌లోని భారత ఎంబసీ బుధవారం(జూన్ 15వ తారీఖు) నాడు ఓపెన్ హౌస్ మీటింగ్‌ నిర్వహిస్తున్నట్లు ప్రకటించింది. ఈ విషయాన్ని భారత ప్రవాసులు గమనించాలని కోరింది. భారత రాయబారి సిబి జార్జ్‌ ఈ కార్యక్రమం ద్వారా కువైత్‌లోని భారత ప్రవాసుల ఎదుర్కొంటున్న పలు సమస్యలపై చర్చిస్తారు. అరేబియన్ గల్ఫ్ స్టేషన్ పరిధిలో ఉన్న సఫత్‌లోని డిప్లామాటిక్ ఎన్‌క్లేవ్‌లో బుధవారం ఉదయం 11.00 గంటల నుంచి మధ్యాహ్నం 12.00 గంటల(కువైత్ కాలమానం ప్రకారం) వరకు ఈ కార్యక్రమం జరుగుతుంది. ఈ కార్యక్రమంలో పాల్గొనేందుకు భారత ఎంబసీలో రిజిస్ట్రేషన్ చేసుకోవాల్సి ఉంటుంది. బుధవారం ఉదయం 10.00 గంటల నుంచి 11.30 గంటల వరకు ఆసక్తి ఉన్నవారు తమ పేర్లు నమోదు చేసుకోవచ్చు. 


కువైత్‌లోని భారతీయ పౌరులందరూ ఓపెన్ హౌస్‌లో పాల్గొనడానికి ఆహ్వానితులే. అయితే, కోవిడ్-19 వ్యాక్సినేషన్ పూర్తి చేసుకుని ఉండాలి. ఈసారి ఈ ఈవెంట్ వర్చువల్ ప్లాట్‌ఫారమ్‌లో నిర్వహించడం లేదని ఎంబసీ స్పష్టం చేసింది. కనుక ఈ కార్యక్రమంలో పాల్గొనాలనుకునే ప్రవాసులు రిజిస్ట్రేషన్ చేసుకుని నేరుగా సఫత్‌లోని డిప్లామాటిక్ ఎన్‌క్లేవ్‌‌కు వెళ్లాల్సి ఉంటుంది. ఇక ఈ కార్యక్రమంలో పాల్గొనడానికి వీలుపడని వారు తమ సమస్యను పూర్తి వివరాలతో(పాస్‌పోర్టులో పేర్కొన్న విధంగా పేరు, పాస్‌పోర్టు నం., సివిల్ ఐడీ నం., కాంటాక్ట్ నం, కువైత్‌లో నివాసముంటున్న పూర్తి అడ్రస్) రాయబార కార్యాలయం కేటాయించిన [email protected] కు ఈ-మెయిల్ చేయాలి. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.