Big Ticket draw: భారతీయుడికి జాక్‌పాట్.. రాత్రికి రాత్రే ఖాతాలోకి రూ.24.80కోట్లు..!

Published: Fri, 04 Mar 2022 08:49:44 ISTfb-iconwhatsapp-icontwitter-icon
Big Ticket draw: భారతీయుడికి జాక్‌పాట్.. రాత్రికి రాత్రే ఖాతాలోకి రూ.24.80కోట్లు..!

అబుదాబి: దుబాయ్‌లో ఉండే భారత వ్యక్తికి గురువారం అబుదాబిలో నిర్వహించిన బిగ్ టికెట్ డ్రాలో జాక్‌పాట్ తగిలింది. మహ్మద్ సమీర్ అలన్ అనే భారతీయుడు ఏకంగా 12 మిలియన్ దిర్హమ్స్(మన కరెన్సీలో రూ.24.80కోట్లు) గెలుచుకున్నాడు. ఫిబ్రవరి 27న సమీర్ కొనుగోలు చేసిన లాటరీ టికెట్ నం.192202కు ఈ జాక్‌పాట్ తగిలింది. దుబాయ్‌లో ఏసీ టెక్నిషియన్‌గా పనిచేసే సమీర్ నెలకు 3300 దిర్హమ్స్(రూ.68,220) సంపాదిస్తున్నాడు. ఈ క్రమంలో గత నెల 27న మరో ఆరుగురితో కలిసి వెయ్యి దిర్హమ్స్‌తో బిగ్ టికెట్ కొనుగోలు చేశాడు. ఇందులో 500 దిర్హమ్స్ సమీర్ చెల్లించాడు. దీంతో వారు గెలిచిన 12 మిలియన్ దిర్హమ్స్‌లో 6 మిలియన్ దిర్హమ్స్(రూ.12.40కోట్లు) తనకు వస్తాయని పేర్కొన్నాడు. 


ఇక ఇంత భారీ మొత్తం గెలుచుకోవడం పట్ల సమీర్ ఆనందం వ్యక్తం చేశాడు. భారత్‌లోని ఉత్తర ప్రదేశ్ రాష్ట్రానికి చెందిన సమీర్‌కు మూడేళ్ల క్రితం వివాహమైంది. వెంటనే తన భార్యను దుబాయ్‌కి పిలిచి నగరమంతా తిప్పి చూపించడంతో పాటు ఆమె కొరుకున్నవన్నీ కొనిపెడతానని చెప్పుకొచ్చాడు. అలాగే స్వదేశంలో వ్యవసాయంలో కొంత మొత్తం పెట్టుబడిగా పెడతానన్నాడు. దీంతోపాటు తన తల్లిదండ్రులకు కొంత భాగాన్ని ఇవ్వనున్నట్లు తెలిపాడు. కాగా, ఇదే డ్రాలో మరో భారత వ్యక్తి అజిత్ వరియత్ రెండో బహుమతి అయిన 1మిలియన్ దిర్హమ్స్(సుమారు రూ.2కోట్లు) గెలుచుకున్నాడు. ఇటీవల అజిత్ కొన్న లాటరీ టికెట్ నం. 273166 అతడికి అదృష్టాన్ని తెచ్చిపెట్టింది.   


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

ఓపెన్ హార్ట్Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.