Canada: కెనడాలో పంజాబీ మూలాలున్న వ్యక్తిపై దాడి..!

Published: Sat, 13 Aug 2022 21:23:13 ISTfb-iconwhatsapp-icontwitter-icon
Canada: కెనడాలో పంజాబీ మూలాలున్న వ్యక్తిపై దాడి..!

ఎన్నారై డెస్క్: కెనడాలోని(Canada) పంజాబీ మూలాలున్న ఓ వ్యక్తిపై దాడి(Attack) జరిగింది. బాధితుడు తన ఇంటి నుంచి బయటకు వస్తుండగా ముగ్గురు ఆగంతుకులు పదునైన ఆయుధాలతో అతడిపై దాడికి దిగినట్టు పోలీసులు తెలిపారు. బ్రాంప్టన్(Brampton) అనే ప్రాంతంలో ఈ దారుణం వెలుగు చూసింది.  సిక్కు మతస్తులనే లక్ష్యంగా చేసుకుని దుండగులు ఈ ఘుతాకానికి పాల్పడ్డట్టు పోలీసులు అనుమానిస్తున్నారు. బాధితుడిని జ్యోతీ సింగ్ మాన్‌గా గుర్తించారు. జ్యోతి సింగ్ మాన్ స్థానిక పంజాబీ రేడియో షోలో యాంకర్‌గా వ్యవహరిస్తుంటారు. రియల్ ఎస్టేట్ ఏజెంట్ అయిన ఆయన ఇటీవల తన ఇంటి నుంచి బయటకు వస్తుండగా ముష్కరులు అకస్మాత్తుగా దాడికి పాల్పడ్డారు. 

కారు వద్ద నుంచి ఆయనను రోడ్డుపై చేయి చేసుకుంటూ లాక్కుని వచ్చారు. ఇదంతా అక్కడున్న సీసీకెమెరాల్లో రికార్డైంది. ప్రస్తుతం జ్యోతి సింగ్ మాన్ ఆస్పత్రిలో చికిత్స పొందుతున్నారని, ఆయన పరిస్థితి నిలకడగానే ఉన్నట్టు పోలీసులు తెలిపారు. కాగా.. బీజేపీ నేత మంజీందర్ సింగ్ సిర్సా ఈ దాడికి సంబంధించిన వీడియో క్లిప్‌ను సోషల్ మీడియాలో షేర్ చేశారు. ‘‘కెనడాలోని సిక్కు మతస్తులపై వరుసగా దాడులు జరగడం ఆందోళన కరమని అభివర్ణించారు. ఈ దారుణానికి ఒడిగట్టిన నిందితులను వెంటనే అరెస్టు చేయాలని కెనడా పోలీసులకు విజ్ఞప్తి చేశారు. 


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

ఓపెన్ హార్ట్Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.