ltrScrptTheme3

పెంటగాన్‌ కీలక స్థానంలో భారత అమెరికన్‌

Oct 17 2021 @ 02:40AM

వైమానిక దళంలో ఇంధన, వాతావరణ విభాగంలో బాధ్యతలు


వాషింగ్టన్‌, అక్టోబరు 15: భారత సంతతి వ్యక్తి, అమెరికా ఏరోస్పేస్‌, రక్షణ రంగ నిపుణుడు రవి చౌదరిని అమెరికా రక్షణ కార్యాలయం పెంటగాన్‌లో కీలక పదవి వరించింది. అమెరికా అధ్యక్షుడు జో బైడెన్‌ రవి నియమించాలనుకుంటున్నట్లు తాజాగా పేర్కొన్నారని శ్వేత సౌధం ప్రకటించింది. వైమానిక దళంలో ఇంధన, వాతావరణ, ఇన్‌స్టాలేషన్స్‌ విభాగానికి ఆయన సహాయ కార్యదర్శిగా వ్యవహరించనున్నారు. ఇప్పటికే బైడెన్‌ రవిని నామినేట్‌ చేసినా.. అధికారికంగా ప్రభుత్వం ధ్రువీకరించాల్సి ఉంది. గతంలో అమెరికా వైమానిక దళంలో 1993 నుంచి 2015 వరకూ చౌదరి పైలట్‌గా పనిచేశారు. అమెరికా రవాణా శాఖలో సీనియర్‌ ఉద్యోగిగానూ బాధ్యతలు నిర్వర్తించారు. నాసాలో సిస్టమ్స్‌ ఇంజనీర్‌గా నాసా వ్యోమగాముల భద్రతను పర్యవేక్షించారు. ఇక.. తాజా పదవిలో అమెరికా వైమానిక దళ వ్యూహరచన విధానాలు, మౌలిక వసతులు, ఇంధనం, భద్రత, ఆరోగ్యం, వైమానిక దళ సంసిద్ధత వంటి కీలక బాధ్యతలను రవి నిర్వర్తించాల్సి ఉంటుందని అధికార వర్గాలు పేర్కొన్నాయి.

Follow Us on:

తాజా వార్తలుమరిన్ని...

అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.