Scuba diverకి సముద్రంలో దొరికిన ఈ కత్తి ప్రత్యేకత ఏమిటంటే....

ABN , First Publish Date - 2021-10-20T01:13:15+05:30 IST

ఇజ్రాయెల్ స్కూబా డైవర్‌కు మధ్యదరా తీరంలో పురాతన కాలం నాటి ఖడ్గం దొరికింది. ఇది క్రుసేడర్ల కాలం నాటిదిగా

Scuba diverకి సముద్రంలో దొరికిన ఈ కత్తి ప్రత్యేకత ఏమిటంటే....

న్యూఢిల్లీ: ఇజ్రాయెల్ స్కూబా డైవర్‌కు మధ్యదరా తీరంలో పురాతన కాలం నాటి ఖడ్గం దొరికింది. ఇది క్రుసేడర్ల కాలం నాటిదిగా భావిస్తున్నారు. ఉత్తర ఇజ్రాయెల్‌లో అతను వారాంతపు డైవ్‌లో ఉన్న సమయంలో ప్రాచీన కాలం నాటి వస్తువులు లభ్యమయ్యాయని, అందులో లంగర్లు, కుండలు, మీటరు పొడవున్న కత్తి ఉన్నాయని పురాతత్వ అధికారులు తెలిపారు. తీరానికి 150 మీటర్ల దూరంలో, ఐదు మీటర్ల లోతులో ఇవి లభ్యమైనట్టు చెప్పారు. 


4 వేల సంవత్సరాల క్రితం ఈ ప్రాంతం ప్రాచీన నౌకలకు ఆశ్రయం కల్పించిందని, పురావస్తు సంపదకు నిలయంగా ఉండేదని నిపుణులు చెబుతున్నారు. అయితే, ఇక్కడ తరచూ మారుతున్న ఇసుక కారణంగా ఇలాంటివి గుర్తించడం కష్టమవుతోందని పేర్కొన్నారు. డైవర్ తీరంలో కనుగొన్న కత్తిని ప్రభుత్వ నిపుణులు పరిశీలిస్తారని తెలిపారు.


ఈ ఆయుధం 900 సంవత్సరాల క్రితం నాటిది అయి ఉంటుందని అంచనా వేస్తున్నారు. ఈ కత్తిని తొలుత శుభ్రం చేసి ఆ తర్వాత విశ్లేషిస్తామని రోబరీ ప్రివెన్షన్ యూనిట్ అథారిటీ ఇన్‌స్పెక్టర్ నిర్ డిస్టెల్‌ఫెల్డ్ తెలిపారు. కత్తిని కనుగొన్న డైవర్‌ను ష్లోమి కట్జిన్‌గా గుర్తించారు. 

Updated Date - 2021-10-20T01:13:15+05:30 IST