Srinu Mother Savitri: నా కుమారుడిని విడుదల చేయండి..
ABN , First Publish Date - 2022-07-22T02:38:33+05:30 IST
ఏ పాపం ఎరుగని తన కుమారుడిని విడుదల చేయమని కోడి కత్తి శ్రీను తల్లి సావిత్రి కన్నీరు పెడుతున్నారు. లేదంటే తనను కూడా చంపేయాలని...
కాకినాడ (Kakinada): ఏ పాపం ఎరుగని తన కుమారుడిని విడుదల చేయమని కోడి కత్తి శ్రీను తల్లి సావిత్రి కన్నీరు పెడుతున్నారు. లేదంటే తనను కూడా చంపేయాలని రోదిస్తోంది. తన కొడుకును తలుచుకుని ఏడవని రోజు లేదని వెక్కివెక్కి ఏడుస్తోంది. సీఎం జగన్ (Cm Jagan)కు వీరాభిమాని అయిన తన కుమారుడు శ్రీను ఎందుకు చంపాలని చూస్తాడని ప్రశ్నిస్తోంది. తన కుమారుడిని దయ చేసి వదిలేయాలని సావిత్రి వేడుకుంటున్నారు.
కాగా జగన్ ప్రతిపక్షంలో ఉన్నప్పుడు ఆయనపై శ్రీను కోడి కత్తితో దాడి చేసిన విషయం తెలిసిందే. ఈ కేసులో శ్రీను ప్రస్తుతం జైల్లో ఉన్నారు. ఇటీవల గోదావరి (Godavari) పరివాహక ప్రాంతంలో వరదలు వచ్చాయి. ఈ సమయంలో శ్రీను తల్లికి ఎవరూ అండగా లేరు. శ్రీను బయట ఉంటే వృద్ధురాలైన ఆమెకు అండగా ఉండేవాడు. నాయకులెవరూ పట్టించుకోవడంలేదని ఆవేదన వ్యక్తం చేస్తున్నారు. తన కొడుకును చూడాలని.. విడుదల చేయాలని సావిత్రి వేడుకుంటున్నారు.