బడులు తెరిచారు.. బాధ్యత మరిచారు: Jawahar
ABN , First Publish Date - 2022-07-05T14:59:22+05:30 IST
బడులు తెరిచారు.. బాధ్యత మరిచారని టీడీపీ మాజీ మంత్రి జవహర్(Jawahar) విమర్శించారు. నూతన విద్యావిధానం పేరుతో ఊళ్లకు బడులు దూరమవుతున్నాయన్నారు.
Amaravathi : బడులు తెరిచారు.. బాధ్యత మరిచారని టీడీపీ మాజీ మంత్రి జవహర్(Jawahar) విమర్శించారు. నూతన విద్యావిధానం పేరుతో ఊళ్లకు బడులు దూరమవుతున్నాయన్నారు. ఉపాధ్యాయ నియామకాలు(Teacher Recruitments) లేవని.. విద్యార్థి ఉపాధ్యాయ నిష్పత్తికి శాస్త్రీయత మరిచారన్నారు. నాడు-నేడుతో రంగులకే పరిమితమయ్యారన్నారు. మౌలిక సదుపాయాల కల్పన మరిచారన్నారు. విద్యాప్రణాళిక విడుదల చేయాలన్నారు. సంసిద్దతా సూత్రం పాటించాలన్నారు. పాఠశాలలను రాజకీయ వేదికలకు దూరంగ ఉంచాలని జవహర్ పేర్కొన్నారు.
