JioPhone Nextపై బ్రహ్మాండమైన ఆఫర్.. కొద్దిరోజులు మాత్రమే!

Published: Thu, 19 May 2022 16:25:34 ISTfb-iconwhatsapp-icontwitter-icon
JioPhone Nextపై బ్రహ్మాండమైన ఆఫర్.. కొద్దిరోజులు మాత్రమే!

న్యూఢిల్లీ: రిలయన్స్ జియో (Reliance Jio) మరో బ్రహ్మాండమైన ఆఫర్ ప్రకటించింది. దేశంలో స్మార్ట్‌ఫోన్లకు దూరంగా ఉన్న వినియోగదారులను లక్ష్యంగా చేసుకుని తీసుకొచ్చిన జియోఫోన్ నెక్స్ట్‌పై ఎక్స్‌చేంజ్ ఆఫర్ తీసుకొచ్చింది. ఈ ఫోన్ అసలు ధర రూ. 6,499 కాగా, ఎక్స్‌చేంజ్ ఆఫర్‌పై రూ.2 వేల తగ్గింపుతో రూ. 4,499కే అందిస్తున్నట్టు ప్రకటించింది. పరిమిత కాలం పాటు అందుబాటులో ఉండే ఈ ఆఫర్‌లో భాగంగా వినియోగదారులు ఏదైనా పనిచేస్తున్న4 జీ స్మార్ట్‌ఫోన్, లేదంటే 4జీ ఫీచర్‌‌‌ ఫోన్‌తో ఎక్స్‌చేంజ్ చేసుకోవాల్సి ఉంటుంది. ఎక్స్‌చేంజ్ చేసుకునేందుకు పాత ఫోన్ లేకుంటే మాత్రం రూ. 6,499 చెల్లించాల్సి ఉంటుంది. 


మొత్తం ఒకేసారి చెల్లించి తీసుకోలేనివారు వాయిదాల పద్ధతిలోనూ ఈ ఫోన్‌ను కొనుగోలు చేసుకోవచ్చు. ప్రాసెసింగ్ ఫీజుతో కలిసి తొలుత రూ. 2,500 చెల్లించి ఫోన్‌ను కొనుగోలు చేసుకోవచ్చు. ఆ తర్వాత మిగతా మొత్తాన్ని 18/24 నెలల్లో సులభ వాయిదాల్లో చెల్లించొచ్చు. 


జియో ఫోన్ నెక్స్ట్ స్పెసిఫికేషన్లు: 5.45 అంగుళాల మల్టీటచ్ హెచ్‌డీ+డిస్‌ప్లే, కార్నింగ్ గొరిల్లా గ్లాస్ 3 ప్రొటెక్షన్, 13 ఎంపీ రియర్ కెమెరా, 8 ఎంపీ సెల్ఫీ షూటర్, డ్యూయల్ సిమ్, 4జీ సపోర్ట్, 3,500 ఎంఏహెచ్ బ్యాటరీ, క్వాల్‌కామ్ స్నాప్‌డ్రాగన్ 215 ఎస్ఓసీ, 2జీబీ ర్యామ్, 32 జీబీ అంతర్గత మెమొరీ, 512జీబీ వరకు స్టోరేజీని పెంచుకునే వెసులుబాటు ఉన్న ఈ ఫోన్ ప్రగతి ఓఎస్‌తో పనిచేస్తుంది.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

బిజినెస్Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.