యువతరానికి సందేశాత్మక కథ ‘కంచర్ల’
ABN , First Publish Date - 2022-07-02T06:32:16+05:30 IST
విశాఖలోని నటీనటుల ప్రతిభ వెలికితీసే లక్ష్యంతో సామాజిక, రాజకీయ ప్రేమకథాంశంగా నిర్మిస్తున్న ‘కంచర్ల’ చిత్రం యువతరానికి మంచి సందేశాన్నిస్తుందని, ఈ చిత్రం విజయవంతం కావాలని పలువురు వక్తలు ఆకాంక్షించారు.
టైటిల్‌ ఆవిష్కరణలో వక్తలు
విశాఖపట్నం, జూలై 1: విశాఖలోని నటీనటుల ప్రతిభ వెలికితీసే లక్ష్యంతో సామాజిక, రాజకీయ ప్రేమకథాంశంగా నిర్మిస్తున్న ‘కంచర్ల’ చిత్రం యువతరానికి మంచి సందేశాన్నిస్తుందని, ఈ చిత్రం విజయవంతం కావాలని పలువురు వక్తలు ఆకాంక్షించారు. వీఎంఆర్‌డీఏ చిల్డ్రన్‌ థియేటర్‌లో శుక్రవారం రాత్రి కంచర్ల చిత్రం టైటిల్‌ను శుక్రవారం రాత్రి ఆవిష్కరించారు.
కార్యక్రమానికి మాజీ ఎమ్మెల్యే మళ్ల విజయప్రసాద్‌, డాక్టర్‌ బొడ్డేపల్లి రఘు, చిత్రం హీరో ఉపేంద్ర, నిర్మాత కంచర్ల అచ్యుతరావు, దర్శకుడు యాదకుమార్‌లు టైటిల్‌ను ఆవిష్కరించి మాట్లాడారు. ప్రస్తుత సామాజిక పరిస్థితులను దృష్టిలో పెట్టుకుని వినూత్నరీతిలో సందేశాత్మకంగా చిత్రాన్ని రూపొందించినట్లు తెలిపారు. కార్యక్రమంలో సినీనటుడు ప్రసన్నకుమార్‌, దాడి సత్యనారాయణ, ఎస్‌.హేమంత్‌కుమార్‌, తదితరులు పాల్గొన్నారు.
