KGF 3 ఫ్యాన్స్‌కి షాక్.. యూ టర్న్ తీసుకున్న నిర్మాతలు.. ఇప్పట్లో లేదంటూ..

Published: Sun, 15 May 2022 14:18:31 ISTfb-iconwhatsapp-icontwitter-icon
KGF 3 ఫ్యాన్స్‌కి షాక్.. యూ టర్న్ తీసుకున్న నిర్మాతలు.. ఇప్పట్లో లేదంటూ..

బాహుబలి సినిమాల తర్వాత దేశవ్యాప్తంగా అంతటి ఫ్యాన్ బేస్‌ని సంపాదించుకున్న సినిమా ఫ్రాంచైజీ KGF. ఈ బ్లాక్‌బస్టర్ ఫ్రాంచైజీ నుంచి 2018లో ఎటువంటి అంచనాలు లేకుండా విడుదలైన ‘కేజీఎఫ్ చాప్టర్ 1’ సంచలన విజయం దక్కించుకుంది. దీంతో ప్రశాంత్ నీల్, యశ్ కాంబినేషన్‌లో వచ్చిన ఈ మూవీ సీక్వెల్‌ ‘కేజీఎఫ్ చాప్టర్ 2’ భారీ అంచనాలు ఏర్పడ్డాయి. ఈ తరుణంలో విడుదలైన ఈ మూవీ అంచనాలకు అనుగుణంగా భారీ విజయాన్ని దక్కించుకోవడమే కాకుండా ప్రపంచవ్యాప్తంగా రూ. వెయ్యికోట్లకి పైగా కలెక్షన్లని సాధించింది. దీంతో ఈ మూవీకి మూడో పార్ట్‌గా ‘KGF 3’ తెరకెక్కించేందుకు నిర్మాణ సంస్థ హోంబలే ఫిల్మ్స్ సిద్ధమవుతున్నట్లు రూమర్స్ వచ్చాయి. 


ఇలాంటి సమయంలోనే ఈ ఏడాది అక్టోబర్ నాటికి మూడో భాగం షూటింగ్ ప్రారంభించి, 2024లో విడుదల చేసేందుకు సిద్ధమవుతున్నట్లు కేజీఎఫ్ నిర్మాత విజయ్ కిరగందూర్ చెప్పినట్లు వార్తలు వచ్చాయి. దీంతో ఈ న్యూస్ సోషల్ మీడియాలో వైరల్ అయ్యింది. దీంతో ఆ ఫ్రాంచైజీ అభిమానులు ఎంతో ఖుషి అయ్యారు. అయితే తాజాగా ఈ మూవీ నిర్మాతలు సినిమా షూటింగ్ గురించి యూ టర్న్ తీసుకున్నారు. నిర్మాతల్లో ఒకరూ కార్తీక్ గౌడ అందంతా ఉత్తదే అంటూ ఓ ట్వీట్ చేశాడు. కార్తీక్ చేసిన ట్వీట్‌లో.. ‘నెట్టింట హల్‌చల్ చేస్తున్న వార్తలన్నీ ఊహాగానాలే. మేము చాలా ఉత్తేజకరమైన ప్రాజెక్ట్‌లతో Hombale Films బిజీగా ఉంది. ఇలాంటి సమయంలో KGF3 షూటింగ్ సాధ్యం కాదు. ఈ సినిమా షూటింగ్ ప్రారంభించే ముందు ప్రకటిస్తాం’ అని రాసుకొచ్చాడు.


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

OtherwoodsLatest News in Teluguమరిన్ని...