ltrScrptTheme3

దారి కోసం పెద్ద గోనేహాల్‌ గ్రామస్థుల ధర్నా

Oct 26 2021 @ 23:14PM
తహసీల్దార్‌ కార్యాలయం ముందు ధర్నా చేస్తున్న గ్రామస్థులు

హొళగుంద, అక్టోబరు 26: మండలంలోని పెద్దగోనేహాల్‌ శివారులో ఉన్న కొట్టాలకు దారి చూపాలని గ్రామస్థులు తహసీల్దార్‌ కార్యాలయం ముందు మంగళవారం ధర్నా చేపట్టారు. డిప్యూటీ తహసీల్దార్‌ను, రెవెన్యూ సిబ్బందిని 3 గంటలపాటు కార్యాలయానికి తాళం వేసి నిర్బంధించారు. కార్యాలయం బయట ఉన్న తహసీల్దార్‌ శేషఫణితో వాగ్వాదానికి దిగారు. ఈ సందర్భంగా గ్రామస్థులు మాట్లాడుతూ కొట్టాలలో 15 ఏళ్లుగా జీవిస్తున్నామని, 150 ఇళ్లు ఉన్నాయని అన్నారు. అక్రమంగా దారిని కబ్జా చేసి ఇబ్బందులకు గురి చేస్తున్నారని తెలిపారు. తహసీల్దార్‌, ఎంపీడీవో దాసరి మేరి గ్రామస్థులతో మాట్లాడారు. త్వరలో సమస్యను పరిష్కరిస్తామని చెప్పడంతో ధర్నాను విరమించారు. 

Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.