అడవి దున్నల దెబ్బకు తోక ముడిచిన సింహం.. వైరల్ అవుతున్న వీడియో!

ఇంటర్నెట్ డెస్క్: అడవి దున్నల దెబ్బకు సింహం బెదిరిపోయింది. నోటి దాకా వచ్చిన ఆహారాన్ని వదిలేసింది. తోక ముడుచుకుని బిక్కుబిక్కుమంటూ మూలకు నక్కింది. ప్రస్తుతం ఇందుకు సంబంధించిన వీడియో సోషల్ మీడియాలో వైరల్‌గా మారింది. ఇందకు సంబంధించిన పూర్తి వివరాల్లోకి వెళితే..

ఆకలిగా ఉన్న ఓ ఆడ సింహం ఆహారం కోసం వేట ప్రారంభించింది. ఇంతలో ఓ అడవి దున్న దాని కంట పడింది. అది చూసి సింహం సంబరపడింది. తనకు తన పిల్లలకు మంచి ఆహారం దొరికిందని మురిసిపోయింది. అమాంతం వెళ్లి.. దానిపై పంజా విసిరింది. ఈ క్రమంలో చుట్టుపక్కల ఉన్న అడవి దున్నలు ఈ విషయాన్ని గమనించాయి. అంతే.. ఆ  సింహం వైపు దూసుకొచ్చాయి. దీంతో బెదిరిపోయిన సింహం.. ఆ అడవి దున్నను వదిలేసింది. అనంతరం అక్కడ నుంచి వెళ్లిపోయింది. ప్రస్తుతం ఇందుకు సంబంధించిన వీడియో నెట్టింట వైరల్‌గా మారింది. ఈ క్రమంలో స్పందిస్తున్న నెటిజన్లు.. ఫన్నీగా కమెంట్స్ చేస్తున్నారు.