రేపు అండమాన్‌లో అల్పపీడనం

Nov 28 2021 @ 03:44AM

నాలుగు రోజుల పాటు మోస్తరు వర్షాలు

హైదరాబాద్‌, నవంబరు 27(ఆంధ్రజ్యోతి): దక్షిణ అండమాన్‌ సముద్రంలో సోమవారం అల్పపీడనం ఏర్పడే అవకాశాలున్నాయని హైదరాబాద్‌ వాతావరణ కేంద్రం తెలిపింది. అది బలపడి రాబోయే 48 గంటల్లో పశ్చిమవాయువ్యదిశగా కదిలే అవకాశం ఉందని పేర్కొంది. నాలుగు రోజుల పాటు రాష్ట్రంలో అక్కడక్కడ తేలికపాటి నుంచి ఒక మోస్తరు వర్షాలు కురవొచ్చని వివరించింది. కిందిస్థాయి గాలులు ఈశాన్యం నుంచి తెలంగాణవైపునకు వీస్తున్నాయని తెలిపింది. రాష్ట్రంలో శనివారం పొడివాతావరణం ఉందని, మెదక్‌లో అత్యధికంగా 33.3 డిగ్రీల ఉష్ణోగ్రత నమోదయిందని పేర్కొంది. ఆదిలాబాద్‌లో అత్యల్పంగా 16.9 డిగ్రీల ఉష్ణోగ్రత నమోదయిందని వివరించింది. రాష్ట్రంలో చాలా ప్రాంతాల్లో 30 కంటే ఎక్కువ డిగ్రీల ఉష్ణోగ్రత నమోదైనట్లు తెలిపింది. 

Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.