‘కార్బీవ్యాక్స్... ఓ గేమ్ ఛేంజర్..’

ABN , First Publish Date - 2021-06-18T05:08:07+05:30 IST

బయాలాజికల్ ఈవాన్స్ సంస్థ రూపొందించిన కార్బీవ్యాక్స్ కరోనా టీకాకు 90 శాతం ప్రభాశీలత ఉందని ప్రభుత్వ కరోనా టాస్క్ ఫోర్స్ సభ్యుడు డా. ఎన్‌కే అరోరా తెలిపారు.

‘కార్బీవ్యాక్స్... ఓ గేమ్ ఛేంజర్..’

న్యూఢిల్లీ: బయాలాజికల్ ఈవాన్స్ సంస్థ రూపొందించిన కార్బీవ్యాక్స్ కరోనా టీకాకు 90 శాతం ప్రభాశీలత ఉందని ప్రభుత్వ కరోనా టాస్క్ ఫోర్స్ సభ్యుడు డా. ఎన్‌కే అరోరా తెలిపారు. అత్యంత చవకగా లభించే ఈ టీకా‌ను ఓ గేమ్ ఛేంజర్‌గా అభివర్ణించారు. ఈ మహమ్మారిపై జరుగుతున్న పోరాటం తీరుతెన్నులను పూర్తిగా మార్చివేయగల సత్తా ఈ టీకాకు ఉందన్నారు. అమెరికా టీకా నోవోవాక్స్ లాంటిదే కార్బీవ్యాక్స్ కూడా అని ఆయన తెలిపారు. నోవోవ్యాక్స్‌ను భారత్‌లో ఉత్పత్తి చేసేందుకు సీరం ఇన్‌స్టిట్యూట్ ఆఫ్ ఇండియా అనుమతి పొందింది. ఇక కార్బీవ్యాక్స్ ఖరీదు రూ. 250 మించకపోవచ్చని ఓ అంచనా. ప్రస్తుతం ఈ టీకాకు సంబంధించి మూడో దశ క్లినికల్ ట్రయల్స్ త్వరలో ప్రారంభం కానున్నాయి. అక్టోబర్‌ కల్లా ఇది మార్కెట్‌లోకి రావచ్చని తెలుస్తోంది. మరో భారతీయ కంపెనీ జెనోవో బయోఫార్మాసిటికల్స్ ఎమ్‌ఆర్ఎన్ఏ టెక్నాలజీ ఆధారిత కరోనా వ్యాక్సిన్‌ను రూపొందించింది. ఈ టీకాకు సంబంధించి ప్రస్తుతం రెండో దశ క్లినికల్ ట్రయల్స్ జరుగుతున్నాయి.  

Updated Date - 2021-06-18T05:08:07+05:30 IST