అనధికార మద్యం ధ్వంసం
ABN , First Publish Date - 2022-06-29T06:31:03+05:30 IST
అనధికార మద్యం ధ్వంసం
గన్నవరం, జూన్ 28: స్థానిక స్పెషల్ ఎన్ఫోర్స్మెంట్ బ్యూరో (సెబ్) స్టేషన్లో వివిధ కేసుల్లో పట్టుకున్న అనధికార మద్యాన్ని మంగళవారం ధ్వంసం చేశారు. ఈ మద్యం విలువ రూ.20 లక్షలు ఉంటుందని అధికారులు తెలిపారు. సుంకం చెల్లించని 53 కేసులలో 5,437బాటిల్స్, సుంకం చెల్లించిన 162 కేసులలో 2,677 బాటిల్స్, 12 నాటుసారా కేసులలో 58.5 లీటర్ల నాటుసారాని ధ్వంసం చేసినట్లు స్పెషల్ ఎన్ఫోర్స్మెంట్ బ్యూరో ఏఎస్పీ ఆస్మా ఫర్హీన్ తెలిపారు. అక్రమంగా మద్యం రవాణా చేస్తే కఠిన చర్యలు తప్పవని హెచ్చరిం చారు. సూపరింటెండెంట్ కె.కృష్ణకుమారి, సీఐ బి.వరాలరాజు, ఎస్సై ఎంఎస్ఎన్ శాస్ర్తి తదితరులు పాల్గొన్నారు.