NRI: ఎన్నారైకి భారీ షాక్..! తెలిసిన వాడని నమ్మి అరకోటి చేతిలో పెడితే..

Published: Tue, 09 Aug 2022 21:39:07 ISTfb-iconwhatsapp-icontwitter-icon
NRI: ఎన్నారైకి భారీ షాక్..! తెలిసిన వాడని నమ్మి అరకోటి చేతిలో పెడితే..

ఎన్నారై డెస్క్: తెలిసిన వాడని నమ్మి ఓ వ్యక్తికి అరకోటి రూపాయలకు పైగా ఇచ్చిన ఎన్నారైకి(Nri) భారీ షాక్ తగిలింది. తాను మోసపోయానంటూ(duped) చివరికి ఆయన పోలీసులను ఆశ్రయించారు. గుజరాత్‌లో జరిగిన ఈ ఘటన పూర్తి వివరాల్లోకి వెళితే.. అమెరికాలోని(America) న్యూజెర్సీకి చెందిన జగదీశ్ పటేల్‌కు 2003లో ఓ మిత్రుడి ద్వారా ముంబైకి చెందిన ఓం ప్రకాశ్‌తో పరిచయమైంది. 2008లో అమెరికాకు వెళ్లిపోయిన ఓం ప్రకాశ్ మొదట్లో జగదీశ్ ఇంట్లోనే బసచేశాడు. ఆ తరువాత అమెరికా పరిస్థితులతో సద్దుకుపోలేక ఓం ప్రకాశ్ భారత్‌కు తిరిగొచ్చేశాడు. ఆ తరువాత.. తాను పెట్టబోయే ఓ వ్యాపారంలో పెట్టుబడులు పెట్టాలని ఓం ప్రకాశ్ పటేల్‌ను కోరాడు. కానీ.. ప్రకాశ్ చెప్పిన బిజినెస్ ప్రాజెక్ట్ నచ్చకపోవడంతో పటేల్ పెట్టుబడి పెట్టేందుకు నిరాకరించాడు. 

ఆ తరువాత.. ఓం ప్రకాశ్ మరో వ్యాపార ప్రతిపాదనను పటేల్ ముందుంచాడు. తాను థానే ప్రాంతంలో ఓ సినిమా స్టూడియో నిర్మించబోతున్నాని చెప్పాడు. ఈ ప్రాజెక్టులో రూ.50 లక్షలు ఇన్వెస్ట్ చేయమని పటేల్‌ను కోరాడు. ఈసారి మాత్రం ఓం ప్రకాశ్ ప్రతిపాదనకు పటేల్ అంగీకరించారు. నాలుగు విడతల్లో మొత్తం రూ.51.5 లక్షలు అతడి చేతుల్లో పెట్టాడు. ఆ తరువాత.. ప్రాజెక్టు పురోగతి గురించి అడగడంతో అతడు ఫోన్లో అందుబాటులోకి రాకుండా పోయాడు. చివరికి ఓ రోజు పటేల్ థానేకు వెళ్లగా అసలు విషయం బయటపడింది. ప్రకాశ్ చెప్పిన స్థలంలో అసలు ప్రాజెక్టే లేదని తెలుసుకుని షాకైపోయాడు. అంతేకాకుండా.. తాను పోలీసునని చెప్పుకుంటూ ఓ వ్యక్తి పటేల్‌ను బెదిరించాడు. దీంతో.. భయపడిపోయిన పటేల్ అమెరికాకు వెళ్లిపోయారు. ఇటీవలే ఆయన పోలీసులకు ఫిర్యాదు చేశారు. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

ఓపెన్ హార్ట్Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.