ముచ్చటపడి కొత్త సోఫాను ఆర్డర్ చేసిన వ్యక్తి.. ఇంటికి వచ్చిన తర్వాత అందులో ఏం ఉందో చూసి షాక్..

Published: Wed, 08 Dec 2021 19:54:16 ISTfb-iconwhatsapp-icontwitter-icon
ముచ్చటపడి కొత్త సోఫాను ఆర్డర్ చేసిన వ్యక్తి.. ఇంటికి వచ్చిన తర్వాత అందులో ఏం ఉందో చూసి షాక్..

ఎన్నారై డెస్క్: ఓ వ్యక్తి ఎంతో ముచ్చటపడి.. కొత్త సోఫాను ఆర్డర్ చేశాడు. మరుసటి రోజు ఇంటికి వచ్చిన సోఫాను హాల్‌లో సర్దుతుండగా.. అందులోంచి వింత శబ్దాలు రావడాన్ని అతడు గమనించాడు. ఈ క్రమంలో సోఫాను క్షుణ్ణంగా పరిశీలించాడు. అనంతరం అందులో కనిపించిన దృశ్యం చూసి ఒక్కసారిగా కంగుతిన్నాడు. వెంటనే పోలీసులకు ఫోన్ చేశాడు. ఆ తర్వాత ఏం జరిగింది అనే వివరాల్లోకి వెళితే..


ఫ్లోరిడాలోని క్లియర్‌వాటర్ నగరానికి చెందిన ఓ వ్యక్తి కొత్తగా సోఫాను ఆర్డర్ చేశాడు. ఆర్డర్ చేసిన మరుసటి రోజు అతడి ఇంటికి సోఫా వచ్చింది. దీంతో ముచ్చటపడి కొనుగోలు చేసిన సోఫాను హాల్లో సర్దడం ప్రారంభించాడు. ఇంతలో అతడికి వింత శబ్దాలు వినిపించాయి. సోఫా నుంచే ఆ  శబ్దాలు వస్తున్నట్టు గుర్తించి.. దాన్ని క్షుణ్ణంగా పరిశీలించాడు. ఈ నేపథ్యంలో అందులో 5 అడుగుల భారీ సర్పాన్ని చూసి కంగుతిన్నాడు. వెంటనే ఈ సమాచారం పోలీసులకు చేర వేశాడు.


ముచ్చటపడి కొత్త సోఫాను ఆర్డర్ చేసిన వ్యక్తి.. ఇంటికి వచ్చిన తర్వాత అందులో ఏం ఉందో చూసి షాక్..

దీంతో పోలీసులు రంగంలోకి దిగారు. సోఫాను బహిరంగ ప్రదేశంలోకి తీసుకొచ్చి.. అందులో ఉన్న పామును చాకచక్యంగా బంధించారు. దీంతో అతడు ఊపిరి పీల్చుకున్నాడు. ఈ సందర్భంగా మాట్లాడిన అధికారులు.. సోఫాను ఇంటికి తీసుకొచ్చిన తర్వాతే.. పాము దానిలో దూరి ఉంటుందని అభిప్రాయపడ్డారు. అంతేకాకుండా ఆ భారీ సర్పాన్ని స్థానికంగా ఉన్న పెట్ సెంటర్‌కు తరలించనున్నట్టు పేర్కొన్నారు. అంతేకాకుండా ఆ సర్పంతో దిగిన ఫొటోను సోషల్ మీడియాలో పోస్ట్ చేసిన అధికారులు.. జరిగిన ఘటన గురించి వివరించారు. దీంతో ఈ అంశం వైరల్‌గా మారింది. 



Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

అమెరికా నగరాల్లోLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.